ក្រោយអស់ឱកាសនៅ Euro ២០២៤ ទីបំផុត Ronaldo បានបញ្ជាក់ពីអានាគតរបស់គាត់នៅ World Cup ២០២៦ ហើយ

បរទេស៖ ខ្សែប្រយុទ្ធឆ្នើមរបស់ក្រុមជម្រើសជាតិ ព័រទុយហ្គាល់ កីឡាករ Cristiano Ronaldo បានចេញមុខជម្រះមន្ទិលសង្ស័យជុំវិញអានាគតរបស់គាត់ជាមួយក្រុមជម្រើសជាតិ ព័រទុយហ្គាល់ ថា គាត់គឺនឹងអាចនៅលេងបានដល់ World Cup ២០២៦ ទៀត។

ជាការពិតណាស់ មុនពេល ព័រទុយហ្គាល់ ធ្លាក់ចេញពីពាន Euro ២០២៤ ត្រឹមវគ្គ ៨ ក្រុម Ronaldo គាត់បានបញ្ជាក់រួចហើយ ថាការលេងនៅពាន Euro លើកនេះ គឺជាការបង្ហាញខ្លួនលើកចុងក្រោយរបស់គាត់នៅក្នុងអាជីព ហើយស្របពេលដែលបច្ចុប្បន្នគាត់មានវ័យដល់ទៅ ៣៩ ឆ្នាំទៅហើយ ទើបធ្វើឱ្យអ្នកគាំទ្រជាច្រើនមានការសង្ស័យថា តើគាត់អាចនៅលេងបានដល់ World Cup ២០២៦ ទៀតឬក៏យ៉ាងណា។

យ៉ាងណាក៏ដោយ ជុំវិញរឿងរ៉ាវមួយនេះ ទីបំផុត Ronaldo គាត់បានចេញមុខបញ្ជាក់ហើយ ដោយក្នុងនោះគាត់បានលើកឡើងយ៉ាងដូច្នេះថា៖

គួរបញ្ជាក់ថា បច្ចុប្បន្នខ្សែប្រយុទ្ធរបស់ Al-Nassr គឺមានវ័យ ៣៩ ឆ្នាំទៅហើយ ខណៈពាន World Cup គឺនៅសល់រយៈពេល ២ ឆ្នាំទៀត ដូច្នេះបើគាត់នៅលេងបានដល់ពេលនោះ នោះគាត់នឹងមានវ័យដល់ទៅ ៤១ ឆ្នាំឯណោះ៕

ប្រភព៖ ONE Football