បរទេស៖ ក្លិបយក្ស អាល្លឺម៉ង់ FC Bayern Munich ត្រូវបានគេរាយការណ៍ថា បានព្រមព្រៀងគ្នា ក្នុងការផ្ទេរយកខ្សែបម្រើរបស់ Fulham និងក្រុមជម្រើសជាតិ ព័រទុយហ្គាល់ កីឡាករ Joao Palhinha ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា Bayern បានព្រមព្រៀង ក្នុងការចុះកុងត្រាយក Joao Palhinha ពី Fulham ហើយ។
ប្រភពដដែលបានបន្ថែមថា តម្លៃនៃកិច្ចព្រមព្រៀងក្នុងការផ្ទេរខ្សែបម្រើវ័យ ២៨ ឆ្នាំរូបនេះ គឺមានតម្លៃ ៥០ លានអឺរ៉ូ ឬប្រមាណជា (៥៣ លានដុល្លារអាមេរិក) បូកជាមួយប្រាក់បន្ថែម ៥ លានអឺរ៉ូ ឬប្រមាណជា (៥.៣ លានដុល្លារអាមេរិក) ទៀត។
ជុំវិញកិច្ចព្រមព្រៀងនេះ Palhinha នឹងដាក់ប៊ិចចុះកិច្ចសន្យារយៈពេល ៤ ឆ្នាំ ក្នុងការស្នាក់នៅទឹកដី Allianz Arena៕
ប្រភព៖ Fabrizio Romano