លោក Southgate ត្រូវ Rooney ព្រលះចំៗ ក្រោយគាត់បកស្រាយថា ការកែ Arnold ឱ្យលេងខុសតួនាទីគឺជាការ "ពិសោធន៍"

//s9.kh1.co/f2/f266036b157fd34e9bd7be37d6e367c94a37624b.jpg
កីទ្បា

 ២២-មិថុនា-២០២៤ ៥ល្ងាច · មួយខែមុន

លោក Southgate ត្រូវ Rooney ព្រលះចំៗ ក្រោយគាត់បកស្រាយថា ការកែ Arnold ឱ្យលេងខុសតួនាទីគឺជាការ "ពិសោធន៍"

បរទេស៖ លោក Gareth Southgate គ្រូបង្គោលរបស់ក្រុមជម្រើសជាតិ អង់គ្លេស ត្រូវបានអតីតកីឡាករជើងចាស់លោក Wayne Rooney រិះគន់ចំៗ ក្រោយលោកបានធ្វើការបកស្រាយថា មូលហេតុដែលលោកសម្រេចចិត្តប្តូរតួនាទីរបស់ Trent Alexander-Arnold ពីខ្សែការពារស្លាបស្តាំ មកលេងជាខ្សែបម្រើការពារវិញ គឺដើម្បី "ពិសោធន៍"។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Gareth Southgate 
លោក Gareth Southgate 

លោក Southgate មួយរយៈនេះគឺត្រូវបានគេរិះគន់ច្រើនមែនទែន បន្ទាប់ពីលោកបានប្តូរតួនាទីលេងរបស់កីឡាករមួយចំនួនដូចជា Arnold ជាដើម ដោយលោកបានប្តូរឱ្យខ្សែការពារស្លាបស្តាំរូបនេះ មកលេងជាខ្សែបម្រើការពារវិញ ទាំងដែល អង់គ្លេស គឺមានខ្សែបម្រើឆ្នើមៗជាច្រើនដូចជា Kobiee Mainoo, Conor Gallagher និងកីឡាករមួយចំនួនទៀត។

ខណៈការប្រកួតពីរប្រកួតនៅក្នុងពូល C កន្លងមក ក្រុមរហស្សនាមតោកំណាចក៏ពុំសូវទទួលបានលទ្ធផលល្អប៉ុន្មានដែរ ដោយការប្រកួតដំបូង ពួកគេបានឈ្នះ ស៊ែប៊ី ត្រឹម ១-០ ប៉ុណ្ណោះ និងការប្រកួតទី ២ កាលពីថ្ងៃទី ២០ កន្លងទៅ ពួកគេបានត្រឹមស្មើជាមួយ ដាណឺម៉ាក ១-១។

លោក Gareth Southgate និង Trent Alexander-Arnold
លោក Gareth Southgate និង Trent Alexander-Arnold

បន្ទាប់ពីមានការរិះគន់ច្រើនជុំវិញការប្តូរតំណែងលេងរបស់កីឡាករ លោក Southgate បានចេញមុខបកស្រាយថា មូលហេតុដែលលោកធ្វើបែបនេះ គឺដើម្បី "ពិសោធន៍" ប្រព័ន្ធលេងរបស់ក្រុម ប៉ុន្តែសម្រាប់លោក Rooney ដែលជាអតីតកីឡាករ អង់គ្លេស ម្នាក់វិញ គឺមិនយល់ស្របនោះទេ ហើយគាត់បានចេញមុខប្រត្តិកម្មយ៉ាងដូច្នេះថា៖

ខ្ញុំមិនគិតថា អ្នកអាចឈានមកដល់ព្រឹត្តិការណ៍ដ៏ធំបែបនេះ ហើយនិយាយថា អ្នកកំពុងតែ "ពិសោធន៍" នោះទេ។ នោះគឺជាពាក្យមួយដ៏ធ្ងន់ធ្ងរណាស់ ហើយប្រសិនបើ អង់គ្លេស មិនអាចឈានចូលការប្រកួតប្រជែងដល់វគ្គជ្រៅនោះទេ ខ្ញុំគិតថាគាត់នឹងស្តាយក្រោយលើរឿងនេះ៕

លោក Wayne Rooney
លោក Wayne Rooney
លោក Wayne Rooney

ប្រភពSportskeeda

Sem Kosal
K.S

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T