បរទេស៖ ក្លិបអធិរាជស Real Madrid ត្រូវបានគេរាយការណ៍ថា បានឈានដល់ការព្រមព្រៀងលក្ខខណ្ឌផ្ទាល់ខ្លួនក្នុងការផ្ទេរយកខ្សែការពារសញ្ជាតិ បារាំង វ័យក្មេង Leny Yoro របស់ក្លិប Lille ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពលម្អិតពីកាសែត អេស្ប៉ាញ Marca បានឱ្យដឹងថា ដ្បិតឥឡូវនេះ Real Madrid បានឈានដល់កិច្ចព្រមព្រៀងជាមួយកីឡាករ បារាំង វ័យ ១៨ ឆ្នាំរូបនេះក៏ពិតមែន ប៉ុន្តែភាគីក្លិប និងក្លិបគឺពុំទាន់បានចរចាគ្នានៅឡើយទេ។
Leny Yoro ត្រូវបានគេមើលឃើញថា រូបគេគឺជាខ្សែការពារកណ្តាលដ៏មានសក្តានុពលម្នាក់នាពេលអនាគត ហើយរយៈពេលកន្លងមករូបគេក៏បានជាប់នៅក្នុងឈុតអាយុក្រោម ២៣ ឆ្នាំរបស់ក្រុមជម្រើសជាតិ បារាំង ផងដែរ។
ក្រៅពី Real Madrid ខ្សែការពាររបស់ Lille រូបនេះ ក៏កំពុងមានការចាប់អារម្មណ៍ពីសំណាក់ក្លិប Paris Saint-Germain និង Manchester United ផងដែរ៕
ប្រភព៖ Sportskeeda