បរទេស៖ នាព្រឹកថ្ងៃទី ២១ ខែ មិថុនា ឆ្នាំ ២០២៤ នេះក្រុមជម្រើសជាតិ អាហ្សង់ទីន បានជួបតទល់គ្នាជាមួយក្រុមជម្រើសជាតិ កាណាដា នៅកីឡដ្ឋាន Mercedes-Benz ក្នុងប្រទេស សហរដ្ឋអាមេរិក នៅក្នុងការប្រកួតបើកឆាកពូល A នៃពានរង្វាន់ Copa America ២០២៤ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងការប្រកួតខាងលើ ខាងក្រុមការពារតំណែងជើងឯកជម្រើសជាតិ អាហ្សង់ទីន ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម កាណាដា ក្នុងលទ្ធផល ២ ទល់នឹង ០។
ក្នុងនោះ ២ គ្រាប់របស់ អាហ្សង់ទីន គឺសុទ្ធតែកើតចេញពីការបង្កើតឱកាសរបស់ប្រធានក្រុម Lionel Messi ទាំងអស់ ដោយនៅនាទីទី ៤៩ Messi បានបញ្ជូនឱ្យ Mac Allister ហើយ Allister ក៏បញ្ជូនតឱ្យ Julian Alvarez ស៊ុតបញ្ចូលទី ចំណែកមួយគ្រាប់ទៀតនៅនាទីទី ៨៨ គឺ Messi ដដែល បានបញ្ជូលចោះយ៉ាងស្អាតឱ្យ Lautaro Martinez ស៊ុតបញ្ចូលទី។
គួរបញ្ជាក់ថា អាហ្សង់ទីន ឥឡូវនេះកំពុងឈរនៅកំពូលតារាងនៃពូល A ខណៈប្រកួតបន្ទាប់ គឺពួកគេត្រូវជួបជាមួយក្រុមជម្រើសជាតិ ឈីលី នៅថ្ងៃទី ២៦ ខែ មិថុនា៕
សូមទស្សនាវីដេអូខាងក្រោម៖