បរទេស៖ វីរបុរសរបស់ Barcelona កីឡាករ Lionel Messi បានទម្លាយថា គាត់តែងតែខឹងសម្បារនឹង Sergio Ramos បំផុត នៅពេលលេងទល់ Real Madrid ម្តងៗ កាលគាត់កំពុងរួមរស់ជាមួយក្រុមអ្នកមានបុណ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Messi និង Ramos តែងតែមានរឿងជូរចត់ជាមួយគ្នាជាច្រើន នៅពេលពួកគេទាំងពីរលេងនៅ La Liga ដោយកាលនោះ Messi ជាខ្សែប្រយុទ្ធរបស់ Barca ចំណែក Ramos វិញគឺជាខ្សែការពាររបស់ R.Madrid ហើយនៅពេលពួកគេបានជួបគ្នានៅក្នុងជំនួប El Clasico ម្តងៗ គឺតែងតែមានរឿងប៉ះទង្គិចគ្នាជារឿយៗ ដូច្នេះហើយទើបធ្វើឱ្យ Messi ខឹងនឹង Ramos ជាខ្លាំង។
ទាក់ទងនឹងរឿងខាងលើ, Messi ដែលបច្ចុប្បន្នលេងនៅ Inter Miami បាននិយាយពី Ramos យ៉ាងដូច្នេះថា៖
ខ្ញុំបានប៉ះទង្គិចគ្នាជាច្រើនដងជាមួយ Sergio Ramos... តើមានប៉ុន្មានដង ដែលខ្ញុំបានឈ្មោះប្រកែកគ្នា... គាត់គឺជាកីឡាករដែលធ្វើឱ្យខ្ញុំមានអារម្មណ៍ខឹងសម្បារបំផុត។ ក្រោយមក ពួកយើងស្រាប់តែបានក្លាយជាមិត្តរួមក្រុមនឹងគ្នា ប៉ុន្តែពួកយើងតែងតែប៉ះទង្គិចគ្នានៅ El Clasico៕
ប្រភព៖ Sportskeeda
Bong I.T