បរទេស៖ ខ្សែប្រយុទ្ធ Kylian Mbappe ត្រូវបានគេរាយការណ៍ថា រូបគេនឹងពាក់អាវលេខ ៩ សម្រាប់រដូវកាលដំបូងជាមួយ Real Madrid។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Kylian Mbappe](https://s9.kh1.co/__image/w=650,h=366,q=100/2f/2f17cc0a0b85a6f7888940d8ea8809df4d899a68.png)
ជាការពិតណាស់ នៅថ្ងៃទី ៤ ខែ មិថុនា ឆ្នាំ ២០២៤ នេះ Mbappe ត្រូវបានក្លិប Real Madrid ប្រកាសយកបានជាផ្លូវការហើយ ជាមួយកុងត្រារយៈពេល ៥ ឆ្នាំ ពោលគឺដល់ឆ្នាំ ២០២៩។
![Kylian Mbappe](https://s9.kh1.co/__image/w=650,h=446,q=100/ab/ab4f88b3356b263ee4983c506bd6dd0a81f72f16.png)
យោងតាមការចុះផ្សាយដោយកាសែត បារាំង Le Parisien បានឱ្យដឹងថា Mbappe នឹងពាក់អាវលេខ ៩ ដែលជាអតីតលេខចាស់របស់ Karim Benzema។ អាវលេខ ៩ នេះបានទំនេរចោលមួយរដូវកាលមកហើយ បន្ទាប់ពី Benzema ចាកចេញទៅកាន់ក្លិប Al-Ittihad កាលពីរដូវកាលមុន។
មែនទែនទៅ Mbappe ត្រូវបានគេរំពឹងថា គាត់នឹងទទួលបានអាវលេខ ១០ បន្តពី Luka Modric ក្នុងការមកចូលរួមជាមួយ Real Madrid ប៉ុន្តែដោយសារតែ Modric សម្រេចបន្តកុងត្រាថ្មីជាមួយក្លិបអធិរាជសមួយរដូវកាលទៀត ដូច្នេះអាវលេខ ១០ នេះ នឹងនៅជាកម្មសិទ្ធរបស់ខ្សែបម្រើសញ្ជាតិ ក្រូអាត វ័យ ៣៨ ឆ្នាំរូបនេះដដែល៕
![Kylian Mbappe](https://s9.kh1.co/__image/w=650,h=570,q=100/d7/d76d4a48ddc03fc97f943927277b2c444d021871.png)
ប្រភព៖ Sportskeeda