អ្នកណាមិនភ័យ! លោក Pep បានទម្លាយពីប្រត្តិកម្មរបស់ខ្លួនបែបនេះ ក្រោយឃើញ Son បាល់ដាច់មួយស្មើជាមួយ Ortega យប់មិញ

//s9.kh1.co/75/75c8d97acf71687f72d575b3ca453e1b3b744ccb.jpg
កីទ្បា

 ១៥-ឧសភា-២០២៤ ៥ល្ងាច · ៦ ថ្ងៃមុន

លោក Pep បានទម្លាយពីប្រត្តិកម្មរបស់ខ្លួនបែបនេះ ក្រោយឃើញ Son ដាច់បាល់មួយស្មើជាមួយ Ortega យប់មិញ

បរទេស៖ លោក Pep Guardiola អ្នកចាត់ការទូទៅរបស់ក្រុម Manchester City បាននិយាយពីការបញ្ចេញប្រត្តិកម្មរបស់ខ្លួនយប់មិញ ក្រោយឃើញខ្សែប្រយុទ្ធរបស់ Tottenham Hotspur កីឡាករ Son Heung-min បាល់ដាច់ចុងម៉ោងមួយស្មើជាមួយអ្នកចាំទី Stefan Ortega។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ទិដ្ឋភាពប្រកួត
ទិដ្ឋភាពប្រកួត

ជាការពិតណាស់ នៅក្នុងការប្រកួតកាលពីថ្ងៃទី ១៤ ខែ ឧសភា កាលពីយប់មិញនេះ គឺជាការប្រកួតដ៏សំខាន់មួយរបស់ Man City ព្រោះថាការប្រកួតគឺនៅសល់ត្រឹមតែ ២ ប្រកួតទៀតប៉ុណ្ណោះ ហើយបើពួកគេភ្លាត់ចាញ់ ឬក៏ស្មើនោះពួកគេប្រាកដជាខកខានឱកាសក្នុងការលើកពាន Premier League នៅរដូវកាលនេះជាក់ជាពុំខាន ប៉ុន្តែនៅចុងបញ្ចប់ពួកគេពិតជាធ្វើបានល្អមែនទែន ដោយបានយកឈ្នះទៅលើ Spurs ក្នុងលទ្ធផល ២ ទល់នឹង ០។

ក្រឡេកទៅក្នុងការប្រកួតនោះដដែល បន្ទាប់ Man City បាននាំមុខ ១-០ ខាង Spurs ប៊ិះនឹងរកបានគ្រាប់បាល់តាមស្មើទៅហើយនៅនាទីទី ៨៦ ក្រោយ Son មានឱកាសបាល់ដាច់មួយស្មើជាមួយអ្នកចាំទី ខណៈនៅក្នុងកំឡុងពេលនោះក៏បានធ្វើឱ្យលោក Pep តក់ស្លុតមិនស្ទើរនោះដែរ ប៉ុន្តែជាសំណាងល្អ ដែលចុងក្រោយការស៊ុតរបស់ Son ត្រូវបានសង្គ្រោះបានដោយ Ortega។

ទាក់ទងនឹងរឿងខាងលើ, ក្រោយបញ្ចប់ការប្រកួតលោក Pep បានមានប្រសាន៍យ៉ាងដូច្នេះថា៖

អ្នកដឹងទេ ថាតើមានប៉ុន្មានដងដែល Son បង្ករហានិភ័យដល់ក្រុមគូប្រកួតក្នុងរយៈពេល ៧ ឬ ៨ ឆ្នាំចុងក្រោយនេះ។ តើប៉ុន្មានដងដែលគាត់រួមដៃគ្នាស៊ុតបញ្ចូលទីជាមួយ Harry Kane? អូព្រះអើយ! Ortega បានសង្គ្រោះបាល់យ៉ាងអស្ចារ្យ។ គាតពិតជាមានទេពកោសល្យលើរឿងនេះណាស់ ក្នុងស្ថានភាពមួយទល់នឹងមួយ គាត់គឺជាអ្នកចាំទីដ៏អស្ចារ្យម្នាក់ ដែលខ្ញុំធ្លាប់បានឃើញនៅក្នុងជីវិត៕

លោក Pep Guardiola
លោក Pep Guardiola
លោក Pep Guardiola

ប្រភពSportskeeda

Sem Kosal
K.S

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T