Kroos យប់មិញលើកបន្តក់ឱ្យ Bellingham លត់មួយគ្រាប់ល្អដូចផ្កា ខណៈ R.Madrid លត់ Alaves ៥-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៥ ខែ ឧសភា ឆ្នាំ ២០២៤ នេះ ក្រុមម្ចាស់ផ្ទះ Real Madrid បានបើកទ្វាកីឡដ្ឋាន Santiago Bernabeu របស់ខ្លួន ទទួលស្វាគមន៍ក្រុមភ្ញៀវ Alaves នៅក្នុងការប្រកួតសប្តាហ៍ទី ៣៦ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Alaves ក្នុងលទ្ធផលយ៉ាងចាស់ដៃ ៥ ទល់នឹង ០។

ក្នុងនោះ ៥ គ្រាប់របស់ Real Madrid គឺរកបានដោយ Jude Bellingham នៅនាទីទី ១០, Vinicius Jr. រកបាន ២ គ្រាប់ម្នាក់ឯង គឺនៅនាទីទី ២៧ និង ៧០, Federico នៅនាទីទី ៤៥+១ និងមួយគ្រាប់ទៀតរកបានដោយ Arda Guler នៅនាទីទី ៨១។

គួរបញ្ជាក់ថា ការប្រកួតនៅក្នុងក្របខណ្ឌ La Liga គឺនៅសល់តែ ២ ប្រកួតទៀតប៉ុណ្ណោះ នឹងបញ្ចប់រដូវកាលជាផ្លូវការហើយ ប៉ុន្តែ Real Madrid គឺបានក្លាយជាម្ចាស់ជើងឯកនៅរដូវកាល ២០២៣-២០២៤ នេះហើយ ដោយបច្ចុប្បន្នពួកគេមាន ៩៣ ពិន្ទុ វ៉ាដាច់ក្រុមលេខ ២ Barcelona រហូតដល់ទៅ ១៧ ពិន្ទុឯណោះ។

សូមទស្សនាវីដេអូខាងក្រោម៖