បរទេស៖ អតីតគ្រូបង្វឹក Real Madrid លោក Fabio Capello បានលើកឡើងត្រង់ៗថា Cristiano Ronaldo គឺមិនល្អដល់ Lionel Messi នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Ronaldo និង Leo Messi](https://s9.kh1.co/__image/w=650,h=366,q=100/fd/fd0914b1a70ee2449b4034cd8b9a5dbf6023ae76.png)
ជាការពិតណាស់ បើយើងនិយាយពីបាល់ទាត់ក្នុងសតវត្សន៍ទី ២១ នេះនរណាៗក៏ចាត់ទុក Ronaldo និង Messi ថាជាស្តេចបាល់ទាត់នាពេលបច្ចុប្បន្នដែរ ហើយជារឿយៗទាំងអ្នកគាំទ្រ គ្រូបង្វឹក និងអ្នកពាក់ព័ន្ធនឹងបាល់ទាត់ទាំងអស់តែងតែលើកយកអ្នកទាំង ២ នេះមកប្រៀបធៀបគ្នា ថានរណាល្អជាងនរណា។
យ៉ាងណាមិញ ចំពោះលោក Capello ដែលជាអតីតអ្នកចាត់ការ Real Madrid ចន្លោះពីឆ្នាំ ១៩៩៦-១៩៩៧ និង ២០០៦-២០០៧ ក៏បានចូលរួមលើការប្រៀបធៀបនេះដែរ ហើយជារួមលោកបានលើកឡើងថា Ronaldo គឺមិនល្អដល់ Messi នោះទេ។
ទាក់ទងនឹងរឿងខាងលើ លោក Capello បានមានប្រសាសន៍យ៉ាងដូច្នេះថា៖
Cristiano Ronaldo គឺជាកីឡាករដ៏អស្ចារ្យ ជាអ្នករកគ្រាប់បាល់ដ៏អស្ចារ្យ គាត់បានឈ្នះពាន និងពាន Ballon d'Or ប៉ុន្តែគាត់គឺមិនអស្ចារ្យដូច Messi នោះទេ។ គាត់ជាកីឡាករបាល់ទាត់ដ៏អស្ចារ្យ ប៉ុន្តែគាត់មិនមែនជាមនុស្សពូកែនោះទេ៕
![លោក Fabio Capello](https://s9.kh1.co/__image/w=650,h=366,q=100/26/262dac0101ee4e8e96d7468fa492af0bdb56051d.png)
ប្រភព៖ Sportskeeda