នៅសល់តែមួយកាំនេះទៀតប៉ុណ្ណោះគឺនឹងឈានដល់វគ្គផ្សាយផ្ទាល់ដែលគ្រប់បេក្ខជនស្រមៃហើយ តែថាមុននឹងដល់វគ្គនោះ វិញ្ញាសារក្នុងវគ្គ BEAT YOUTSELF ដែលពួកគេប្រឈមគឺពិតជាតានតឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![រូបភាព](https://s9.kh1.co/__image/w=650,h=335,q=100/84/8487e1a344d0b3cbd2f25cadf99ca5c4dab2ad24.png)
នៅក្នុងវគ្គ BEAT YORSELF របស់កម្មវិធីប្រឡងចម្រៀងកម្រិតពិភពលោក BEAT THE BEST រដូវកាលទី2នេះ បេក្ខជនទាំងអស់ត្រូវជួបវិញ្ញាសារខុសកាលពីរដូវកាលមុន ដែលសមស្របតាមរដូវបុណ្យចូលឆ្នាំ កម្មវិធីក៏បានតម្រូវឲ្យពួកគេប្រកួតជាមួយវិញ្ញាសារបទចម្រៀងបែបផែនស្រុកស្រែ។
![រូបភាព](https://s9.kh1.co/__image/w=650,h=336,q=100/02/021207a59fc5bf31466bb140e01c838fdd42426e.png)
ឃើញថានៅក្នុងវគ្គ BEAT YORSELF នេះ បេក្ខជនភាគច្រើនមានភាពតានតឹងគួរសមដោយសារតែពួកគេហាក់ពុំសូវថ្នឹកជាមួយនឹងបទចម្រៀងប្រភេទនេះឡើយ។ បេក្ខនារីដ៏លេចធ្លោ លីន សោម៉ា ថ្វីត្បិតតែនាងមានសំនៀងស៊ីជាមួយនឹងបទបែបមនោសញ្ចេតនាស្រុកស្រែក៏ពិតមែន តែនៅតែមានឧបសគ្គត្បិតបទដែលលើកយកមកប្រឡងក៏មិនមែនជាបទធម្មតាស្រួលច្រៀងនោះឡើយ។
![រូបភាព](https://s9.kh1.co/__image/w=650,h=345,q=100/e4/e4c595d88f98c4e0855dcc116880b4ee4d080eae.png)
ទាក់ទិនជាមួយនឹងការបញ្ចេញមតិរបស់គណៈកម្មការវិញក៏មានការយល់ឃើញខុសគ្នាៗខ្លះដែរសម្រាប់ការបង្ហាញសមត្ថភាពរបស់បេក្ខនារី លីន សោម៉ា ក្នុងវគ្គនេះ។ គណៈកម្មការ ផន ស្រីខួច និង សួស វីហ្សា បានប្រាប់ចំៗពីចំណុចខ្វះខាត និងចំណុចដែលគួរតែកែសម្រួល ក្នុងការបកស្រាយផ្ទាល់របស់ លីន សោម៉ា តែសម្រាប់គណៈកម្មការ ឆន សុវណ្ណារាជ និង ពេជ្រ សោភា វិញបានលើកតែចំនុចល្អមកសរសើរដោយបញ្ជាក់ថាសំឡេងបែបនេះហើយបើមិនពីរោះទៀតមិនដឹងរកសំឡេងបែបណាមកប្រឡងឡើយ។
![រូបភាព](https://s9.kh1.co/__image/w=650,h=337,q=100/71/7152343e7658df8cc13364ce66b55846cdfbe9dc.png)
![រូបភាព](https://s9.kh1.co/__image/w=650,h=338,q=100/0c/0c108377719ab04bdf8942e228e999c70ddfff9f.png)
គួរបញ្ជាក់ផងដែរថាកម្មវិធីប្រឡងចម្រៀងកម្រិតពិភពលោក BEAT THE BEST រដូវកាលទី2 នឹងឈានដល់វគ្គ Live Show នៅថ្ងៃសៅរ៍ 27 មេសា 2024 នេះហើយ៕