មកមើលផ្ទះថ្មី Kylie ឡើងស្រស់ស្អាត គួរឲ្យចង់រស់នៅ

កម្សាន្ត៖ សេដ្ឋីនីវ័យក្មេង Kylie Jenner ត្រូវបានគេរាយការណ៍ថា រូបនាងកំពុងសាងសង់វីឡា ទំហំជិត 3,000 ម៉ែត្រការ៉េនៅ Hidden Hills រដ្ឋ Los Angeles ព្រមទាំងមានបន្ទប់គេង ១៥ បន្ទប់ បន្ទប់ក្រោមដី និងគ្រឿងបរិក្ខារជាច្រើនទៀត។

យោងតាមគេហទំព័រ Dailymail បានឲ្យដឹងថា បន្ទាប់ពីបីឆ្នាំ ផ្ទះថ្មីរបស់ Kylie Jenner គឺត្រូវបានសាងសង់ជិតរួចរាល់ហើយ។ រូបថតដែលបានថតនៅថ្ងៃទី ១៦ ខែមេសាកន្លងទៅនេះ គឺបានបង្ហាញថា គម្រោងដែលមានផ្ទះជាច្រើនជួរដែលភ្ជាប់គ្នា ត្រូវបានបញ្ចប់ជាមូលដ្ឋានហើយបានលាបពណ៌ប្រផេះ។ ទន្ទឹមនឹងនេះ អាងហែលទឹកខាងក្រោយផ្ទះ (គ្របដោយដំបូលពណ៌បៃតង) នៅតែដំណើរការ។

មិនត្រឹមតែប៉ុណ្ណោះ ទ្រព្យសម្បត្តិនេះ ត្រូវបានគេដឹងថា មានទីតាំងនៅជាប់នឹងផ្ទះរបស់ម្តាយនាង គឺ Kris Jenner និងបងស្រីរបស់នាងឈ្មោះ Khloe Karashian ខណៈដែលផ្ទះរបស់បងស្រីពីរនាក់របស់នាង Kim និង Kourtney Kardashian ក៏នៅក្បែរនោះផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖