Rosé លេងស្ទាយ៍សក់ទឹករលកស្អាតចែងចាំង មើលមួយភ្លែតស្មានតែតុក្កតា

កូរ៉េខាងត្បូង៖ Rosé ដែលជាតារាចម្រៀងមានសម្រស់ស្រស់ស្អាតម្នាក់ក្នុងក្រុម BLACKPINK តែងតែត្រូវអ្នកគាំទ្រសរសើរជារឿយៗនូវសម្រស់ដ៏ចែងចាំងដូចតុក្កតារបស់នាង ព្រោះសក់របស់នាងតែងតែលាបពណ៌ទង់ដែងជានិច្ច។

ថ្មីៗនេះ នាថ្ងៃទី១៥ខែមេសាកន្លងទៅ Rosé បានចេញមកបង្អួតភាពស្រស់ស្អាតសាជាថ្មី នៅពេលនាងបានបង្ហាញខ្លួនក្នុងកម្មវិធីសម្ពោធហាងរបស់ Sulhwasoo ដែលនាងជាអ្នកតំណាង ដោយក្នុងនោះមានការកោតសរសើរក៏ដូចជាស្វាគមន៍យ៉ាងកុះករពីអ្នកគាំទ្រ។

ក្នុងនោះ Rosé បានបង្ហាញខ្លួនជាមួយនឹងរ៉ូបពណ៌ខ្មៅ សម្រុងត្រឹមពាក់កណ្ដាលភ្លៅ និងដៃវៀល មានកអក្សរ U ដែលពិតជាស្រស់ស្អាតទាន់សម័យមានបូរូបផ្កាកុលាបពណ៌ខ្មៅនៅតហរង់កដៃ ប៉ុន្តែអ្វីដែលអ្នកគាំទ្រសង្កេតឃើញថាប្លែកនោះគឺនាងបានគាបសក់ទឹករលកបែបផ្នត់ធំៗ ហើយចងឡើងពាក់កណ្ដាលក្បាល ទម្លាក់វាឲ្យវែងប្រះស្មា មើលទៅពិតជាស្រស់ស្អាតខ្លាំងមែនទែន មើលមួយភ្លែតអាចនឹងច្រឡំថាជាតុក្កតា៕  

ប្រភព៖ allkpop