ឱ្យដល់៩លានហើយ តែ Taylor Swift នៅតែបដិសេធសំណើទៅ សម្ដែងនៅ អារ៉ាប់រួម

អាមេរិក៖ តារាចម្រៀងរ៉េប Montana បាននិយាយថា តារាចម្រៀងស្រី Taylor Swift បានបដិសេធសំណើស្នើឲ្យទៅសម្ដែងនៅកម្មវិធីឯកជនមួយនៅអារ៉ាប់រួម បើទោះបីជាខាងកម្មវិធីបានផ្ដល់ទឹកប្រាក់ដល់នាងដល់ទៅ ៩លានដុល្លារក៏ដោយ។

តារាចម្រៀងរ៉េបម្នាក់នេះ បាននិយាយយ៉ាងដូច្នេះ បន្ទាប់ពីបានបង្ហោះរូបភាព Screenshot ពីការសន្ទនាមួយជាមួយខាងកម្មវិធីនោះ ដែលពួកគេចង់ជួលលោកទៅច្រៀងក្នុងតម្លៃ១លានដុល្លារ ហើយជួលតារាចម្រៀងស្រីម្នាក់ទៀតក្នុងតម្លៃ៩លានដុល្លារ កាលពីខែធ្នូឆ្នាំ២០២៣កន្លងទៅ។

Montana បានបង្ហើបថាតារាចម្រៀងស្រីម្នាក់នោះគឺ Taylor Swift នេះឯងប៉ុន្តែជាក់ស្ដែង នាងបានបដិសេធមិនសម្ដែងនៅទីនោះនោះឡើយ។

គួរបញ្ជាក់ផងដែរថា ការជួលតារាចម្រៀងល្បីៗទៅសម្ដែងនៅកម្មវិធីឯកជន មិនមែនជារឿងប្លែកទេព្រោះកាលពីឆ្នាំទៅ Rihanna ក៏បានចូលរួមសម្ដែងក្នុងពិធីរៀបការរបស់កូនប្រុសមហាសេដ្ឋីឥណ្ឌាផងដែរ៕  

ប្រភព៖ pagesix