តិចអត់ដឹង! នៅក្នុងពិភពបាល់ទាត់មានតែបុរសម្នាក់នេះប៉ុណ្ណោះ ដែលធ្លាប់ឈ្នះពាន UCL ដល់ទៅ ៣ ក្លិបផ្សេងគ្នា

បរទេស៖ លោកអ្នកដឹងទេថា នៅក្នុងពិភពបាល់ទាត់គឺមានតែអតីតកីឡាករជើងចាស់លោក Clarence Seedorf ម្នាក់ប៉ុណ្ណោះ ដែលធ្លាប់ឈ្នះពាន Champions League ជាមួយក្លិបដល់ទៅ ៣ ក្លិបផ្សេងគ្នា។

ជាការពិតណាស់ បើយើងនិយាយពីកីឡាករបច្ចុប្បន្ន នរណាៗក៏នឹកឃើញមុនគេដែរ ដល់ Lionel Messi និង Cristiano Ronaldo ចំពោះកីឡាករដែលធ្លាប់ឈ្នះពាន UCL នេះ ហើយក្រៅពីនេះគឺមានកីឡាករជាច្រើនទៀតដូចជា Karim Benzema, Luka Modrić, Toni Kroos, Andrés Iniesta ជាដើម។ 

ប៉ុន្តែទោះបីជាយ៉ាងណាក៏ដោយ ក្នុងចំណោមកីឡាករទាំងអស់ខាងលើ គឺមិនដែលមានកីឡាករណាម្នាក់ ដែលធ្លាប់ឈ្នះពាន UCL នេះ ជាមួយក្លិបដែលពួកគេលេងលើសពី ២ ក្លិបនោះទេ ហើយផ្ទុយមកវិញ គឺមានតែអតីតកីឡាករជម្រើសជាតិ ហូឡង់ Clarence Seedorf ម្នាក់ប៉ុណ្ណោះ ដែលធ្លាប់ឈ្នះពានរង្វាន់កំពូលរបស់ អឺរ៉ុប ជាមួយក្លិប ដល់ទៅ ៣ ក្លិបផ្សេងគ្នា។

គួរបញ្ជាក់ថា លោក Clarence Seedorf ដែលបច្ចុប្បន្នមានវ័យ ៤៨ ឆ្នាំ លោកធ្លាប់ឈ្នះពាន UCL បាន ៥ ដងនៅក្នុងអាជីព ក្នុងនោះលោកធ្លាប់ឈ្នះ ១ ដងជាមួយ Ajax, ២ ដងជាមួយ Real Madrid និង ២ ដងទៀតជាមួយ AC Milan៕

ដកស្រង់ និងកែសម្រួលអត្ថបទដោយ៖ Keylatop