Lisa បើកបង្ហាញផ្ទះនិងឡាន មើលទៅស៊ីវិល័យនិងប្រណីតខ្លាំងណាស់

កូរ៉េខាងត្បូង៖ Lisa មិនត្រឹមតែជាតារាចម្រៀង និងអ្នករាំដ៏មានទេពកោសល្យម្នាក់ទេ តែនាងក៏ត្រូវបានគេចាត់ទុកថាជា បុគ្គលដ៏មានឥទ្ធិពលម្នាក់ ក្នុងវិស័យតន្ត្រីផងដែរ ដោយជារឿយៗនាងតែងតែទទួលបានការចាប់អារម្មណ៍ខ្លាំង។

ជាក់ស្ដែង កាលពីពេលថ្មីៗនេះ Lisa បានធ្វើឲ្យអ្នកគាំទ្រស្ញើចនឹងសភាពផ្ទះប្រណីតនិងឡាន របស់នាង បន្ទាប់ពីបានបង្ហាញរបស់ទាំងពីនេះ នៅក្នុង Vlog មួយ។

ក្នុងនោះយើងឃើញថាផ្ទះរបស់ Lisa មានសភាពធំទូលាយ និងមិនប្រើពណ៌រញ៉េរញ៉ៃនោះទេគឺ ពណ៌សលាត ដែលមានទូធំមួយសម្រាប់តាំងអាល់ប៊ុម ទស្សនាវដ្ដី ក៏ដូចជាសៀវភៅរូបថតរបស់នាងនិង BLACKPINK ជាដើម ដោយបន្ទប់គេងនៅ​​ជាន់​​ខាងលើ។

ងាកមកមើលឡានទំនើបរបស់នាងវិញគឺជាឡានប្រភេទ Mercedes-Benz ស៊េរី G-Class តែមិនមែន G-Class ធម្មតានោះទេគឺវាផលិតឡើងមានចំនួនកំំណត់សម្រាប់តែនាងប៉ុណ្ណោះ ដែលឡាននេះមានពណ៌ស ជាឡានធំនិងខ្ពស់ មើលទៅពិតជាស្រស់ស្អាតនិងស៊ីវិល័យ៕  

ប្រភព៖ koreaboo