មិនតុបតែងមុខក៏នៅតែស្អាត! Lisa បានទៅមើលការប្រកួតបាល់ទាត់ រវាងថៃនិងកូរ៉េខាងត្បូង

ថៃ៖ Lisa គឺមិនត្រឹមតែជាតារាចម្រៀង ពូកែទាំងច្រៀងនិងរាំដ៏មានទេពកោសល្យ ក្នុងក្រុមចម្រៀងនារី BLACKPINK ទេតែពេលនេះនាងក៏ជាម្ចាស់ផលិតកម្ម LLOUD ផងដែរ ហើយបន្ទាប់ពីចែកផ្លូវជាមួយ YG Entertainment រួចមក គេតែងតែឃើញនាងឧស្សាហ៍បង្ហាញមុខនៅក្នុងកម្មវិធីនានា។

ជាក់ស្ដែង កាលពីថ្ងៃទី២៦ខែមីនាកន្លងទៅនេះ គេបានប្រទះឃើញថា Lisa បានទៅទស្សនាការប្រកួតបាល់ទាត់ នៅវគ្គជម្រុះបាល់ទាត់ពិភពលោកឆ្នាំ២០២៦ នៅតំបន់អាស៊ី រវាង ថៃ និងកូរ៉េខាងត្បូង ដែលធ្វើឡើងនៅពហុកីឡដ្ឋាន Rajamangala ។

ក្នុងនោះ Lisa បានលើកក្រណាត់គាំទ្រការប្រកួតទាំង ថៃនិង កូរ៉េខាងត្បូង អមជាមួយនឹងមិត្តៗរបស់នាង ដោយគេឃើញថានាងបានជជែកពីការប្រកួតនិងទស្សនាយ៉ាងជក់ចិត្តដិតអារម្មណ៍។

គេសង្កេតឃើញថា Lisa មិនបានតុបតែងមុខនោះឡើយនិងទម្លាក់សក់ខ្លីរបស់នាងមកធម្មតាព្រមទាំងស្លៀក ខោខោប៊យពណ៌ប្រផេះនិងអាវពណ៌ស មើលទៅសាមញ្ញតែស្រស់ស្អាត៕  

ប្រភព៖ allkpop