បរទេស៖ ខ្សែប្រយុទ្ធ Rasmus Hojlund បានបានស្នើសុំទៅកាន់អ្នកចាត់ការលោក Erik ten Hag ដើម្បីផ្តល់ឱកាសឱ្យខ្សែបម្រើ Christian Eriksen ទទួលបាននាទីលេងឱ្យបានច្រើនជាងមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅរដូវកាលនេះ Eriksen ក្រោមការដឹកនាំរបស់លោក Ten Hag គឺរូបគាត់បានចូលលេងក្នុងជម្រើសដំបូងបានត្រឹមតែ ៩ ប្រកួតប៉ុណ្ណោះ ក្នុងចំណោមការប្រកួតនៅក្នុងលីគសរុបចំនួន ២៨ ប្រកួត ខណៈស្ថានភាពនេះ ថ្មីៗនេះក៏បានធ្វើឱ្យគាត់មានបំណងចង់ចាកចេញពីទឹកដី Old Trafford នៅរដូវកាលក្រោយផងដែរ។
ថ្មីៗនេះនៅក្នុងកិច្ចសម្ភាសន៍មួយជាមួយ TV2 ខ្សែប្រយុទ្ធសញ្ជាតិ ដាណឺម៉ាក វ័យ ២១ ឆ្នាំបាននិយាយពី Eriksen យ៉ាងដូច្នេះថា៖
ខ្លួនខ្ញុំផ្ទាល់បានអង្គុយនៅកៅអីបម្រុងនៅក្នុងការប្រកួតទល់នឹង Copenhagen ប៉ុន្តែខ្ញុំបានដឹងពីអ្វីដែលជាអត្ថន័យចំពោះរឿងនេះ។ ដោយឡែកគាត់ (Eriksen) គឺជាកីឡាករដែលស្ថិតនៅក្នុងកម្រិតខ្ពស់ ហើយគាត់គឺជាកីឡាករលំដាប់ម្នាក់។ វាគឺគ្មានការសង្ស័យនោះទេទៅលើរឿងនេះ។... វាគឺល្អណាស់ នៅពេលគាត់មាននាទីលេងខ្លះៗនៅក្នុងការប្រកួតទល់នឹង Liverpool។ ខ្ញុំគិតថាគាត់ពិតជាធ្វើវាបានយ៉ាងល្អ នៅពេលដែលគាត់ផ្លាស់ប្តូរចូល។ គាត់គឺជាកីឡាករល្អម្នាក់ ដូច្នេះខ្ញុំចង់ឃើញគាត់នៅលើទីលាន ប៉ុន្តែពួកយើងមានកីឡាករល្អច្រើន។ ដូច្នេះវាគឺអាស្រ័យលើការសម្រេចចិត្តរបស់គ្រូបង្វឹកថាគាត់គួរបានលេង ឬមួយក៏អត់៕
ប្រភព៖ Metro
Bong I.T