Song Joong Ki នាំភរិយាទៅមើលកីឡា Baseball ឡើងផ្អែមល្ហែម

កូរ៉េខាងត្បូង៖ ដូចដែលប្រិយមិត្តបានជ្រាបហើយថា តារាសម្ដែងប្រុស Song Joong Ki មានភរិយានិងបុត្រមួយរួចមកហើយ និងជារឿយៗ លោកតែងតែចេញមកបណ្ដើរភរិយាយ៉ាងផ្អែមល្ហែមផងដែរ។

ដោយឡែក កាលពីថ្មីៗនេះ លោកត្រូវបានមហាជនចាប់អារម្មណ៍សាជាថ្មី ក្រោយបាននាំភរិយាឈ្មោះ Katie Louise Saunders មកទស្សនាការប្រកួតកីឡា រវាងក្រុម Los Angeles Dodgers និង San Diego Padres នៅឯទីក្រុងសេអ៊ូល ប្រទេសកូរ៉េខាងត្បូង ក្នុងឱកាសនៃការបើកព្រឹត្តិការណ៍ MLB Seoul Series ឆ្នាំ២០២៤។

គេឃើញអ្នកទាំងពីរបានពាក់អាវក្រុម San Diego Padres ដោយសារតែមានកីឡាករ Kim Ha Seong លេងក្នុងក្រុមនេះ។ គូស្វាមីភរិយាទាំងពីរបានឈរជិតគ្នានិងនិយាយគ្នា ពីការប្រកួតយ៉ាងជក់ចិត្ត ដែលធ្វើឲ្យអ្នកគាំទ្រសរសើរថាចំណងស្នេហ៍ពួកគេហាក់មានភាពរឹងមាំនិងស្អិតរមួតណាស់៕  

ប្រភព៖ koreaboo