បរទេស៖ ខ្សែប្រយុទ្ធឆ្នើម Cristiano Ronaldo ត្រូវបានអ្នកគាំទ្រនៅបរទេសមួយចំនួនបញ្ចេញមតិរិះគន់ចំពោះកាយវិការរបស់គាត់ ដែលបានធ្វើដាក់អ្នកគាំទ្រក្រុម Al-Shabab នៅក្នុងការប្រកួតនៃក្របខណ្ឌ Saudi Pro League កាលពីយប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Cristiano Ronaldo ](https://s9.kh1.co/__image/w=650,h=434,q=100/5b/5b46b84cdd8b6b13e9e60adb20b3c66f19463e71.png)
ជាការពិតណាស់ នៅក្នុងការប្រកួតសប្តាហ៍ទី ២១ នៃក្របខណ្ឌ Saudi Pro League នាយប់ថ្ងៃទី ២៥ ខែ កុម្ភៈ ឆ្នាំ ២០២៤ ម្សិលមិញនេះ ក្រុម Al-Nassr បានទទួលជ័យជម្នះទៅលើក្រុម Al-Shabab ក្នុងលទ្ធផល ៣ ទល់នឹង ២ ខណៈក្នុងនោះ Cristiano Ronaldo ក៏បានរួមចំណែកស៊ុតបញ្ចូលទីមួយគ្រាប់ផងដែរ។
ចាប់អារម្មណ៍ជាមួយ Ronaldo ដដែល យប់មិញនេះគាត់ត្រូវបានអ្នកគាំទ្រក្រុម Al-Shabab បង្ហាញការឌឺដង ដោយបានស្រែកឈ្មោះ Leo Messi ដែលជាគូប្រជែងដ៏ធំបំផុតរបស់គាត់ដាក់គាត់នៅលើទីលាន ហើយភ្លាមនោះដោយសារតែគាត់ទ្រាំមិនបាន ខ្សែប្រយុទ្ធព័រទុយហ្គាល់វ័យ ៣៩ ឆ្នាំរូបនេះក៏បានធ្វើកាយវិការមួយ បង្ហាញពីការឌឺដងទៅវិញ។
![Cristiano Ronaldo ](https://s9.kh1.co/__image/w=650,h=366,q=100/0e/0eb87604a243473ff533272c1b9723c1958e5c83.png)
ក្រោយ Ronaldo បានបញ្ចេញកាយវិការបែបនេះ អ្នកគាំទ្រនៅបរទេសមួយចំនួនបានបង្ហោះសាររិះគន់នៅលើបណ្តាញសង្គម X យ៉ាងដូច្នេះថា៖
អាយុ ៣៩ ឆ្នាំ តែចិត្តគំនិតដូច ៧ ឆ្នាំ។
![មតិអ្នកគាំទ្រ](https://s9.kh1.co/__image/w=553,h=169,q=100/16/16be6dae015a52dab6f7ce3fa49ee97d47e547ac.png)
គាត់នឹងត្រូវគេព្យួរការប្រកួត។
![មតិអ្នកគាំទ្រ](https://s9.kh1.co/__image/w=545,h=149,q=100/50/507f7c317541ebf208cf3702eb54096464cd3a0a.png)
ក្មេងតូចអាយុ ៣៩ ឆ្នាំ។
![មតិអ្នកគាំទ្រ](https://s9.kh1.co/__image/w=558,h=153,q=100/7f/7f784749815dcbeb633c9ed93ca1ec8da067db43.png)
ប្រភព៖ Sportskeeda