Maguire យប់មិញតែតបញ្ជូនឱ្យ Hojlund ស៊ុតមួយគ្រាប់អ៊េមណាស់ ខណៈ Man UTD ឈ្នះ Aston ២-១(មានវីដេអូ)

បរទេស៖ នាយប់ថ្ងៃទី ១១ ខែ កុម្ភៈ ឆ្នាំ ២០២៤ ម្សិលមិញនេះ ក្រុមម្ចាស់ផ្ទះ Aston Villa បានបើកទ្វាកីឡដ្ឋាន Villa Park របស់ខ្លួន ទទួលស្វាគមន៍ក្រុមភ្ញៀវ Manchester United នៅក្នុងការប្រកួតសប្តាហ៍ទី ២៤ នៃក្របខណ្ឌ Premier League របស់ អង់គ្លេស។

ជាការពិតណាស់ នៅក្នុងការប្រកួតរវាងក្រុមទាំង ២ គឺពិតជាតានតឹងមែនទែន ប៉ុន្តែជារួមខាងក្រុមភ្ញៀវ Man UTD ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេទទួលជ័យជម្នះទៅលើក្រុម Aston Villa ក្នុងលទ្ធផល ២ ទល់នឹង ១។

ក្នុងនោះ ២ គ្រាប់របស់ Man UTD គឺរកបានដោយ Rasmus Hojlund នៅនាទីទី ១៧ និង Scott McTominay នៅនាទីទី ៨៦ ចំណែក ១ គ្រាប់របស់ Aston Villa វិញ គឺរកបានដោយ Douglas Luiz នៅនាទីទី ៦៧។

គួរបញ្ជាក់ថា Man UTD បច្ចុប្បន្នកំពុងឈរនៅលេខរៀងទី ៦ នៃតារាងចំណាត់ថ្នាក់ Premier League ក្រោយឆ្លងកាត់ ២៤ ប្រកួតកន្លងមក ពួកគេឈ្នះ ១៣ ស្មើ ២ និងចាញ់ ៩ មាន ៤១ ពិន្ទុ ចំណែក Aston វិញ គឺកំពុងឈរនៅលេខរៀងទី ៥ ក្រោយឆ្លងកាត់ ២៤ ប្រកួតដូចគ្នា ពួកគេឈ្នះ ១៤ ស្មើ ៤ និងចាញ់ ៦ មាន ៤៦ ពិន្ទុ។

សូមទស្សនាវីដេអូហាយឡាយខាងក្រោម៖