អស់ទាស់! Lukaku យប់មិញស៊ុត ៤គ្រាប់ម្នាក់ឯងយ៉ាងអស្ចារ្យ ជួយឱ្យ ប៊ែលហ្ស៊ិក លត់ អាហ្ស៊ែបៃហ្សង់ ៥-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២០ ខែ វិច្ឆិកា ឆ្នាំ ២០២៣ នេះ ក្រុមម្ចាស់ផ្ទះ ប៊ែលហ្ស៊ិក បានបើកទ្វាកីឡដ្ឋានរបស់ខ្លួនទទួលស្វាគមន៍ក្រុមភ្ញៀវ អាហ្ស៊ែបៃហ្សង់ នៅក្នុងការប្រកួតវគ្គជម្រុះពានរង្វាន់ Euro ២០២៤។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ ប៊ែលហ្ស៊ិក ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេទទួលជ័យជម្នះទៅលើក្រុមភ្ញៀវ អាហ្ស៊ែបៃហ្សង់ ក្នុងលទ្ធផល ៥ ទល់នឹង ០។

ក្នុងនោះខ្សែប្រយុទ្ធ Romelu Lukaku រកបាន ៤ គ្រាប់ម្នាក់ឯង គឺនៅនាទីទី ១៧, ២៦, ៣០ និង ៣៧ ចំណែកមួយគ្រាប់ទៀតគឺរកបានដោយ Leandro Trossard នៅនាទីទី ៩០។

គួរបញ្ជាក់ថា ប៊ែលហ្ស៊ិក ឥឡូវនេះគឺបានកក់កៅអីឡើងទៅការប្រកួតពានរង្វាន់ Euro ២០២៤ ផ្លូវការហើយ ក្រោយឆ្លងកាត់ ៨ ប្រកួត ពួកគេឈ្នះ ៦ និងស្មើ ២ មាន ២០ ពិន្ទុ ឈរនៅលើកំពូលតារាងនៃពូល F ចំណែក អាហ្ស៊ែបៃហ្សង់ វិញគឺបានឱកាសឡើងទៅវគ្គបន្តត្រឹមនេះហើយ ដោយឥឡូវនេះពួកគេឈរនៅលេខរៀងទី ៤ ឯណោះ។

សូមទស្សនាវីដេអូខាងក្រោម៖