ពេជ្រ សម្បត្តិ ថានៅកម្ពុជាមានតែកីឡាករ ២នាក់នេះគត់ ដែលមានក្បាច់ល្អស្រដៀង Tum Kiti ដែលខ្លួនចាញ់ថ្ងៃមុន

កម្ពុជា៖ កីឡាករសាច់តាន់របស់កម្ពុជារហស្សនាមក្របីព្រៃពេជ្រ សម្បត្តិ បានលើកឡើងថា នៅកម្ពុជាគឺមានតែកីឡាករសេរីមុន និងសេរីក្រោយ២នាក់នេះប៉ុណ្ណោះ ដែលមានក្បាច់វាយល្អស្រដៀងអ្នកប្រដាល់ថៃ Tum Kiti ដែលខ្លួនចាញ់ថ្ងៃមុន។

រម្លឹកថា កាលពីថ្ងៃទី ៥ ខែ វិច្ឆិកា កន្លងទៅថ្មីៗនេះ ពេជ្រ សម្បត្តិ បានប្រកួតចាញ់ពិន្ទុទល់នឹងកីឡាករចាស់វស្សារបស់ថៃ Tum Kiti នៅប្រទេស អូស្ត្រាលី ដោយពិន្ទុ បន្ទាប់ពីឆ្លងកាត់ការប្រកួតចំនួន ៥ ទឹកពេញ។

យ៉ាងណាមិញ បន្ទាប់ពីការបរាជ័យនេះ សម្បត្តិ ទទួលស្គាល់ថា អ្នកប្រដាល់ចាស់វស្សា Tum Kiti គឺពិតជាមានក្បាច់ល្អពិតមែន ហើយជាមួយគ្នានៅក្នុងកិច្ចសម្ភាសន៍ជាមួយ Admin រ៉ែនដូ Kun Khmer Fighter សម្បត្តិ បានបង្ហាញទស្សនៈផ្ទាល់ខ្លួនថា នៅកម្ពុជាគឺមានតែលោកគ្រូ បឺត ខាំ និងជំនាន់ក្រោយនេះគឺបឺត សង្ឃឹម ប៉ុណ្ណោះដែលមានក្បាច់ល្អស្រដៀងនឹង Tum BirKiti។