ទោះមិនថ្លៃតែមានតម្លៃ Margie ធ្វើបាត់ចិញ្ចៀនសុំរៀបការ ប្រកាសរកវិញមិនទាន់ឃើញ

ថៃ៖ ជាការពិតណាស់  Pok និង Margie គឺជាគូស្នេហ៍ដែលរៀបការបានរយៈពេល៦ឆ្នាំមកហើយ ពួកគេទទួលបានចំណងដៃកូនភ្លោះប្រុសស្រីមួយគូ។ តារាសម្ដែងស្រី Margie និងស្វាមី តែងតែបង្ហាញនូវភាពផ្អែមល្ហែមនិងជីវិតដ៏មានសុភមង្គលរបស់ពួកគេ។   

ដោយឡែក ថ្មីៗនេះ Margie បានធ្វើបាត់ចិញ្ចៀនដែល Pok បានសុំខ្លួនរៀបការ ដែលទីកន្លែង​បាត់គឺនៅ“Robinson lifestyle“កន្លែងគិតលុយ។ ជាមួយគ្នានេះ Margie បាន​ខំតាមរកអស់រយៈពេល ២សប្ដាហ៍​មកហេីយ​ ប៉ុន្តែនៅតែរកមិនទាន់ឃេីញ​ទៀត។

គួរបញ្ចាក់ផងដែរថា សម្រាប់ចិញ្ចៀន​មួយនេះ គឺវាមានតម្លៃមិនសូវថ្លៃប៉ុន្មាននោះទេ​ ប៉ុន្ដែវាជា​ចិញ្ចៀន​ដែលមានអត្ថន័យសម្រាប់ តារាស្រីរូបនេះ ខ្លាំងណាស់ នាងស្រឡាញ់និងឲ្យតម្លៃវាបំផុត។ ដូចនេះ អ្នកគាំទ្រនាំគ្នាសរសើរតារាសម្ដែងស្រីរូបនេះថា នាងពិតជាមានក្ដីស្រឡាញ់ជ្រាលជ្រៅចំពោះស្វាមីណាស់ បើទោះបីជាចិញ្ចៀននោះនាងអាចទិញថ្មីបានរាប់រយទៀត ក៏មិនស្មើនឹងចិញ្ចៀនដែលស្វាមីសុំរៀបការដែរ៕

ប្រភព៖ Thailand star - Cambodia Fanclub