តួឯកស្រី Jisoo ចេញមកលើកនេះ ស្អាតដូចព្រះម៉ែគង់ស៊ីអីម

កម្សាន្ត៖ ថ្មីៗនេះ តារាចម្រៀងនៃក្រុម Blackpink ដែលបានដើរលើវិថីសម្ដែង Jisoo កំពុងតែធ្វើឲ្យអ្នកគាំទ្រមានការចាប់អារម្មណ៍ជាថ្មីម្ដងទៀតជាមួយនឹងការចេញសម្ដែងខ្សែភាពយន្ដរបស់នាងជាលើកទី២ក្នុងនាមជាតួឯកស្រី។ តាមប្រភពបានឲ្យដឹងថា រឿងភាគថ្មីរបស់ ​Jisoo គឺកំពុងតែចាប់ផ្ដើមថតត្រៀមចាក់បញ្ចាំងក្នុងឆ្នាំ២០២៤ខាងមុខនេះ។

ទន្ទឹមនឹងនោះ គេបានដឹងថា រឿង Dr. Cheon and Lost Talisman គឺជាប្រភេទខ្សែភាពយន្ដភាគបែបវេទមន្ដ សិល្ប៍ ព្រេងនិទាន។ ហើយនៅក្នុងនោះផងដែរ Jisoo សម្ដែងជាតួអង្គទេពអប្សរ ដែលមានសម្រស់ស្រស់ស្អាតដាច់គេ។

លើសពីនោះ គេដឹកនាំរឿងពិតជាគិតត្រូវមែន បន្ទាប់ពីឃើញសមត្ថភាពសម្ដែង និង រូបសម្រស់ តារាស្រីរូបនេះហើយ លោកបានយកនាងធ្វើជាតួអង្គទេពអប្សរ។ ងាកមកមើលអ្នកគាំទ្រវិញ គ្រាន់តែឃើញតួឯកស្រីរូបនេះ នៅក្នុងឈុតសបែបនេះ​ នាំគ្នាសរសើរពេញបណ្ដាញសង្គម ហើយថែមទាំងលេងសើចទៀតថា ស្អាតដូចព្រះម៉ែគង់ស៊ីអីម៕

ប្រភព៖ ពោតផ្ទុះ - Popcornkh