រីករាយថ្ងៃខួបកំណើតគូស្នេហ៍ Davikah និង Ter កាន់តែផ្អែមល្ហែម

ថៃ៖ អាចនិយាយបានថា គឹជាគូស្នេហ៍ដ៏ពេញនិយមមួយ នៅក្នុងសិល្បៈកម្សាន្តថៃ រវាងតារាស្រី Mai Davikah និង គូស្នេហ៍ លោក Ter Chantawit ដែលអ្នកទាំងពីរតែងតែបានចេញមកបង្ហាញពីសកម្មភាពជាមួយគ្នា ជាច្រើន ពោរពេញដោយក្ដីសុខ បន្ទាប់ពីមានទំនាក់ទំនងស្នេហានឹងគ្នា រយៈពេលជាច្រើនឆ្នាំកន្លងទៅនេះ។ 

ដោយឡែក កាលពីថ្មីៗនេះវិញ គូស្នេហ៍តារាប្រុសស្រីទាំងពីររូបនេះ ស្រាប់តែធ្វើឲ្យហ្វេនៗរីករាយរំភើបជំនួស ក្រោយពីបានឃើញរូបភាពគូស្នេហ៍ដ៏ផ្អែមល្ហែម នៅពេលដែលបានអបអរសាទរខួបកំណើតរបស់ លោក Ter Chantawit ខណៈដែល​ឆ្នាំ​នេះ​ រូបលោកបានឈាន​ចូល​វ័យ​ ៤០ ​ឆ្នាំ​ ផងដែរ។ 

ក្នុងនោះដែរ លោក Ter ក៏បានបង្ហាញពីរឿងដ៏គួរឲ្យចាប់អារម្មណ៍មួយ នៅពេលដែលគូស្នេហ៍បណ្ដូលចិត្ត  កាន់នំខេកមក Surprise ក៏ដូចជាបានបង្ហាញពីភាពសប្បាយរីករាយ ស្របពេលដែលអ្នកគាំទ្រ​ជាច្រើន បានចូលមកអបអរជាមួយគ្នា និងជូនពរថ្ងៃកំណើតរបស់លោក ថែមទៀតផង៕ 

ប្រភព៖ Sanook

សូមទស្សនារូបភាពខាងក្រោម៖