កម្សាន្ត៖ កាលពីថ្មីៗកន្លងទៅនេះ មានករណីហួសចិត្តមួយបានកើតឡើងនៅក្នុងកម្មវិធី New York Fashion Weekដែលធ្វើឲ្យអ្នកលេងបណ្ដាញសង្គមមានការចាប់អារម្មណ៍ជាខ្លាំង។ ករណីមួយនេះ គឺបង្កឡើងដោយបុរសម្នាក់ ដែលបានបន្លំខ្លួនធ្វើជាតារាបង្ហាញម៉ូតដើរលើឆាកដោយមិនមានអ្នកណាសង្ស័យនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![រូបភាព](https://s9.kh1.co/__image/w=650,h=434,q=100/32/32ae2b5ecc09d752d806e78b57ed2b9c26714718.jpg)
ជាមួយគ្នានេះដែរ បុរសរូបនេះ បានពាក់ថង់ រូបរាងស្រដៀងនឹងអាវភ្លៀង ហើយស្លៀកខោត្រឹមជង្គង់ពណ៌ផ្កាឈូក និង មានពាក់ថង់រុំសក់ពេលងួតទឹក ដើរបង្ហាញម៉ូតយ៉ាងសង្ហា។ អ្វីដែលគួរឲ្យហួសចិត្តនោះគឺ អ្នកដែលអង្គុយទស្សនានោះ នាំគ្នាទាញទូរស័ព្ទ ស្មានតែជាសម្លៀកបំពាក់ម៉ូដថ្មី ព្រោះតែបុរសនោះដើរទំនងពេក។
![រូបភាព](https://s9.kh1.co/__image/w=650,h=747,q=100/e8/e8cd12cad919f013fb0340b5922cf84c4baa5f2d.jpeg)
លុះត្រាតែដើរដល់ចុងឆាកហើយ ទើបមានសន្ដិសុខចេញមកចាប់ជនបន្លំខ្លួនរូបនេះចេញ ទើបបានធ្វើឲ្យអ្នកអង្គុយទស្សនាដឹងថា តាមពិតមិនមែនតារាបង្ហាញម៉ូតនោះទេ តែជាមនុស្សខិលខូចបន្លំចូលទៅ Prank សោះ ដែលធ្វើឲ្យអ្នកលេងបណ្ដាញសង្គមចាប់អារម្មណ៍ថា នៅលើឆាកបង្ហាញម៉ូត ទោះសម្លៀកបំពាក់បែបណាក៏អាចរាប់ថាជា Fashion បានដែរ៕
ប្រភព៖ បរទេស
![រូបភាព](https://s9.kh1.co/__image/w=650,h=810,q=100/1f/1ff1a28281cb7788a21b9b2da0549ee9dce478ac.jpeg)
![រូបភាព](https://s9.kh1.co/__image/w=650,h=630,q=100/57/575c5bc825682d59cf478fbd8525645451a305e5.jpeg)
![រូបភាព](https://s9.kh1.co/__image/w=650,h=571,q=100/c5/c5fbc3034c51dc0b237a3bf6554b9c385f0a91de.jpeg)