សម្ដេច តេជោ ប្រកាសថា ព្រឹត្តិការណ៍បើក និង បិទ អាស៊ានប៉ារ៉ាហ្គេម មិនចាញ់ស៊ីហ្គេមទេ

កម្សាន្ត៖ ជាការពិតណាស់ ការបិទព្រឹត្តិការណ៍ស៊ីហ្គេម លើកទី៣២ ដែលប្រទេសកម្ពុជាយើង ធ្វើជាម្ចាស់ផ្ទះ បាបបញ្ចប់ រួចរាល់កាលពីថ្ងៃទី១៧ ខែឧសភា កន្លងទៅនេះ។ នៅប៉ុន្មានថ្ងៃខាងមុខនេះ ឈានដល់ថ្ងៃបើកព្រឹត្តិការណ៍បើក អាស៊ានប៉ារ៉ាហ្គេម លើកទី១២ម្ដង ដែលនឹងប្រារព្ធការបើក នៅថ្ងៃទី០៣ ខែមិថុនា ឆ្នាំ២០២៣ នៅឯពហុកីឡាដ្ឋានជាតិមរតកតេជោ។

ជាមួយគ្នានេះ អាស៊ានប៉ារ៉ាហ្គេម គឺជាបណ្ដុំកីឡាច្រើនប្រភេទ ដែលពួកបងប្អូនជនពិការជាកីឡាករប្រកួតគ្នា យកមេដាយ ដែលចូលរួមដោយកីឡាករអត្តពលិកមកពីបណ្ដាប្រទេសនានាក្នុងអាស៊ាន។ មិនតែប៉ុណ្ណោះ​ សម្ដេចតេជោ ហ៊ុនសែន បានថ្លែងថា ព្រឹត្តិការណ៍បើក និង បិទ ប៉ារ៉ាហ្គេម ក៏មិនចាញ់ព្រឹត្តិការណ៍ បិទ និង បើកស៊ីហ្គេមនោះដែរ។

លើសពីនោះ សម្ដេច បន្ដទៀតថា ការបើកព្រឹត្តិការណ៍លើកនេះ នឹងត្រូវបាញ់កាំជ្រួចលើសព្រឹត្តិការណ៍ស៊ីហ្គេមទៅទៀត ដើម្បីជាការលើកទឹកចិត្ត គាំទ្រ ដល់បងប្អូនកីឡាករជនពិការទាំងអស់ ឲ្យខិតខំប្រឹងប្រែងប្រកួតនាំយកជ័យជម្នះជូនជាតិ​ ដោយលើកឡើងថា ពិការរាងកាយ តែមិនពិការចិត្ត ៕