ភ្នំពេញ៖ ថ្មីៗនេះប្រិយមិត្តបានដឹងរួចមកហើយថា កញ្ញា គង់ ច័ន្ទណារីយ៉ា ទើបតែប្រកួតឈ្នះជ័យលាភីឯកលើឆាកអន្តរជាតិក្នុងកម្មវិធី Miss Teen Global 2023។ ពិតណាស់ បន្ទាប់ពីប្រកួតឈ្នះក្លាយជាបវរកញ្ញាប្រចាំកម្មវិធីលំដាប់អន្តរជាតិរួច មានមហាជនជាច្រើន បានសាទរទៅកាន់នាងគ្រប់គ្នាតែម្ដង។
ជាមួយគ្នានេះដែរ រឿងដ៏គួរឲ្យចាប់អារម្មណ៍បន្ថែមទៀតនោះ ថ្មីៗនេះគេដឹងថាបងប្រុសកញ្ញា គង់ ច័ន្ទណារីយ៉ា បានលេចមុខចូលរួមប្រកួតក្នុងកម្មវិធី Road 2The Star ដែលជាកម្មវិធីមួយកំពុងទទួលបានការចាប់អារម្មណ៍ខ្លាំងពីសំនាក់មហាជន ជាពិសេសយុវវ័យផ្ទាល់តែម្ដង។
លើសពីនេះទៅទៀត ពីមួយវគ្គទៅមួយវគ្គ គេឃើញបងប្រុសកញ្ញា គង់ ច័ន្ទណារីយ៉ា ដែលមានឈ្មោះ គង់ ច័ន្ទរស្មី ពិតជាបញ្ចេញសមត្ថភាពបានយ៉ាងល្អគ្រប់វគ្គតែម្ដង។ ម្យ៉ាងវិញទៀត អំឡុងពេលប្រកួតដល់សប្ដាហ៍ទី៥ គេដឹងថាបេក្ខភាព គង់ ច័ន្ទរស្មី បានឈ្នះលើវិញ្ញាសារRunway និងទទួលបានផ្កាយមួយពីកម្មវិធី ហើយអាចបន្តទៅប្រកួតវគ្គក្រោយទៀតផងដែរ៕
សូមទស្សនារូបភាពខាងក្រោម៖
