ល្អទៅៗហើយ! មកទស្សនាវីដេអូហាយឡាយ Man UTD លត់ Everton ៣ទល់១ ពាន FA CUP យប់មិញ (មានវីដេអូ)

អង់គ្លេស៖ ក្លិប Manchester United បានកក់កៅអីឡើងទៅកាន់ជុំបន្ទាប់នៃពានរង្វាន់ FA Cup ហើយក្រោយយកឈ្នះ Everton ក្នុងលទ្ធផលយ៉ាងត្រចេះត្រចង់កាលពីយប់មិញ។

ជាការពិតណាស់ នៅក្នុងវគ្គទី១ គឺ ក្រុមម្ចាស់ផ្ទះ Man UTD បានបើកការនាំមុខមុនតាំងពីនាទីទី ៤ មកម្លេះ ពីការស៊ុតបញ្ចូលទីរបស់កីឡាករ Anthony ប៉ុន្តែ ភាពសប្បាយរីករាយបានកើតឡើងបានតែ១០នាទីប៉ុណ្ណោះ ក៏ Everton បានវាយបកតាមស្មើវិញពីសំណាក់កីឡាករ Conor Coady ធ្វើឲ្យ ៤៥នាទី ដំបូង ក្រុមទាំងពីរស្មើគ្នា។

លុះឈានចូលដល់វគ្គទី២ បានតែ៧នាទីប៉ុណ្ណោះ Coady ដែលជាអ្នករកគ្រាប់បាល់តាមស្មើក៏បានភ្លាត់ស្នៀតទាត់ចូលទីខ្លួនឯង ធ្វើឲ្យក្រុមបិសាចក្រហមបើកការនាំមុខសារជាថ្មី ហើយ ជិតចប់ការប្រកួតទៅហើយ ពោលនាទីទី ៩០+៧ Man UTD ក៏ទទួលបានបាល់ប៉េណាល់ទី និង ធ្វើបានសម្រេចដោយ Marcus Rashford ធ្វើឲ្យចប់ការប្រកួត Man UTD បានយកឈ្នះលើ Everton ក្នុងលទ្ធផល ៣ទល់នឹង១ កក់កៅអីឡើងទៅកាន់ជុំបន្ទាប់នៃពានរង្វាន់ FA Cup។