អ៊េមណាស់! Goncalo Ramos រកបាន ៣ គ្រាប់ឱ្យព័រទុយកាល់ ក្លាយជាកីឡាករដំបូងដែលរកបាន hat-trick នៅ WC ឆ្នាំនេះ(មានវីដេអូ)

បរទេស៖ Goncalo Ramos ខ្សែប្រយុទ្ធរបស់ព័រទុយកាល់ក្លាយជាកីឡាករដំបូងដែលរកបាន hat-trick នៅ WC Qatar 2022 នេះ បន្ទាប់ពីយប់មិញរូបគេរកបាន ៣គ្រាប់ទល់នឹង ស្វ៊ីស។

នៅក្នុងការប្រកួតវគ្គ ១៦ ក្រុមចុងក្រោយនៃពានរង្វាន់បាល់ទាត់ពិភពលោកទល់នឹង ស្វ៊ីស យប់មិញ Ramos ទទួលបានសេចក្តីទុកចិត្តពីសំណាក់អ្នកចាត់ការលោក Fernando Santos ឱ្យជាប់ជម្រើសដំបូងជំនួសរៀមច្បង Cristiano Ronaldo។

ក្នុងនោះខ្សែប្រយុទ្ធវ័យ ២១ ឆ្នាំរបស់ Benfica ពិតជាធ្វើបានល្អមែនទែន ដោយរូបគេស៊ុតបញ្ចូលទី ៣ គ្រាប់ម្នាក់ឯង និង assist ១ ជួយឱ្យ ព័រទុយកាល់ យកឈ្នះ ស្វ៊ីស ក្នុងលទ្ធផលយ៉ាងចាស់ដៃ ៦-១។

តាមរយៈការរកបាន ៣ គ្រាប់យ៉ាងអស្ចារ្យនេះ Ramos បានជួយឱ្យ ព័រទុយកាល់ កក់កៅអីឡើងទៅកាន់វគ្គ ៨ ក្រុមជាផ្លូវការ ហើយរូបគេបានក្លាយជាកីឡាករដំបូងដែលអាចរកបានគ្រាប់ hat-trick ប្រចាំព្រឹត្តិការណ៍ World Cup ២០២២នេះ។

គួរបញ្ជាក់ថា ក្រុមព័រទុយកាល់ នឹងត្រូវឡើងទៅជួបក្រុម ម៉ារ៉ុក នៅវគ្គ ៨ ក្រុមចុងក្រោយ នៅថ្ងៃទី ១0 ខែ ធ្នូ ឆ្នាំ ២០២២ ខាងមុខ៕

សូមទស្សនាវីដេអូខាងក្រោម៖