សល់លុយពេក T.O.P ជះលុយទៅដើរក្រៅភពជាមួយនឹងមហាសេដ្ឋី

កូរ៉េខាងត្បូង៖ យោងតាមរបាយការណ៍របស់ប្រព័ន្ធផ្សព្វផ្សាយផ្តាច់មុខនៅថ្ងៃទី 6 ខែធ្នូ តារាចម្រៀងរ៉េប T.O.P  Big Bang នឹងចូលរួមជាមួយមហាសេដ្ឋី សហគ្រិនជប៉ុន Yusaku Maezawa ក្នុងការធ្វើដំណើរទៅកាន់អវកាសនៅឆ្នាំ ២០២៣។

តាមបានរាយការណ៍នៅថ្ងៃនេះថា T.O.P នឹងចូលរួមជាមួយ Maezawa ជាអ្នកចូលរួមម្នាក់ក្នុងចំណោម ៨ នាក់សម្រាប់គម្រោង «#dearMoon» ដែលជាបេសកកម្មដឹកនាំដោយ Maezawa ក្នុងភាពជាដៃគូជាមួយ SpaceX របស់ Elon Musk ។

ក្នុងឆ្នាំ ២០១៨ Maezawa បានប្រកាសថាលោកមានគម្រោងដឹកនាំបេសកកម្មស៊ីវិលលើកដំបូងទៅកាន់ឋានព្រះច័ន្ទជាមួយនឹងគម្រោង «#dearMoon» នៅឆ្នាំ ២០២៣។ ទន្ទឹមនឹងការប្រកាសនោះ Maezawa បានបង្ហាញថាដៃគូរបស់លោកនឹងត្រូវបានជ្រើសរើសដោយផ្អែកលើបុគ្គលដែលមានទេពកោសល្យ និងមានឥទ្ធិពលមកពីជុំវិញពិភពលោក។

បន្ទាប់មកនៅដើមខែកញ្ញាឆ្នាំនេះ Maezawa បានបង្ហោះរូបថតនៅលើ SNS របស់គាត់ជាមួយ T.O.P និង Lee Byung Hun ទទួលបានការចាប់អារម្មណ៍។ ជាមួយគ្នានេះដែរ នៅថ្ងៃទី ៥ ខែធ្នូ លោក Yusaku Maezawa បាននិយាយនៅលើ Twitter នឹងប្រកាសដំណឹងដ៏ធំមួយអំពីព័ត៌មាន លំហអាកាសប្រហែលថ្ងៃត្រង់ ថ្ងៃទី ៨ ខែធ្នូ ហេតុដូច្នេះ ទន្ទឹមរង់ចាំទាំងអស់ពីព័ត៌មានលម្អិត៕

ប្រភព៖ Allkpop

សូមទស្សនារូបភាពខាងក្រោម៖