ក្លិបមួយនេះចាប់អារម្មណ៍ចុះកុងត្រាយក Ronaldo រយៈពេលបីខែ ក្រោយផ្ដាច់កុងត្រាជាមួយ Man UTD

ប្រេស៊ីល៖ ក្លិបនៅប្រេស៊ីល Flamengo ត្រូវបានគេរាយការណ៍ថាចាប់អារម្មណ៍ចង់បានខ្សែប្រយុទ្ធ Cristiano Ronaldo ទៅរួមក្រុម។

Ronaldo មិនទាន់មានក្លិបលេងនោះឡើយបន្ទាប់ពីកាលពីពេលថ្មីៗនេះ Manchester United បានប្រកាសផ្ដាច់កុងត្រារូបគេដោយសារបញ្ហាចម្រូងចម្រាសក្នុងកិច្ចសម្ភាសន៍ដែលគេបានរិះគន់ក្លិប។

សារព័ត៌មាន Veja បានផ្សាយថា Flamengo កំពុងតាមដានស្ថានភាពម្ចាស់ពាន Ballon d'Or ៥សម័យរូបនេះផងដែរ ដោយចង់បាន Ronaldo រយៈពេលបីខែ។

យ៉ាងណាមិញ Flamengo ពុំទាន់បានធ្វើការពិភាក្សាណាមួយជាមួយភ្នាក់ងាររបស់ប្រធានក្រុមជម្រើសជាតិព័រទុយកាល់នេះឡើយ។

ឥលូវនេះ Ronaldo កំពុងមមាញឹកនឹងការជួយក្រុមជម្រើសជាតិព័រទុយកាល់ ក្នុងព្រឹត្តិការណ៍បាល់ទាត់ពិភពលោក ដោយបានយកឈ្នះ ហ្កាណា ៣ ទល់នឹង២ កាលពីថ្ងៃទៅ២៤ខែវិច្ឆិកាកន្លងទៅនេះ៕

ប្រភព៖ sportskeeda