យល់ដឹង៖ ប្រសិនបើយើងអាចទាញពេលវេលាឲ្យត្រលប់ទៅថ្ងៃនោះវិញ យើងនឹងធ្វើវាឲ្យកាន់តែប្រសើរឡើងជាងថ្ងៃនេះ។ ពាក្យសម្ដី ពេលធ្វើឲ្យស្នេហាបែកបាក់ យើងទាំងអស់គ្នាតែងតែបន្ទោសខ្លួនយើងចំពោះរាល់គ្រប់ទង្វើ រហូតដល់អ្នកខ្លះខូចចិត្តរហូតធ្វើបាបខ្លួនឯង បំផ្លាញរបស់របរប្រើសប្រាស់ ក្រោយពេលបែកគ្នាថ្មីៗថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះ ខាងក្រោមនេះគឺជាគន្លឹះ ៣ យ៉ាង ដើម្បីជួយអ្នកឲ្យអ្នកអាចឆ្លងកាត់ ទំនាក់ទំនងដែលប្រេះស្រាំនេះ បានទៅដោយរលូនមិនមានសម្ពាធចំពោះខ្លួនឯង។
១.គិតថាការបរាជ័យនេះ ជាបទពិសោធន៍
រាល់ការបរាជ័យ គឺជាគ្រូដ៏ល្អសម្រាប់យើង លើកលែងតែស្នេហា នៅពេលដែលស្នេហា មិនដូចការរំពឹងទុក។ ប៉ុន្តែយ៉ាងហោចណាស់ វានឹងបង្រៀនយើងនូវអ្វីមួយ។ ដំបូងឡើយ យើងប្រហែលជាមិនបានឃើញទេ ព្រោះយើងច្រើនតែមានការសោកស្ដាយ។ ប៉ុន្តែកាលពីម្សិលមិញបានកន្លងផុតទៅ យើងនឹងរៀន ពីមនុស្សខ្លះ និងទទួលបានគំនិតថ្មីៗ។ មនុស្សខ្លះទទួលបានគំនិតសម្រាប់ការរស់នៅថ្មី។ មនុស្សខ្លះមានចំណុចរបត់នៃទំនាក់ទំនងដែលនឹងបន្តដំណើរទៅមុខទៀត។
២.ប្រើទំនាក់ទំនងដែលបែកបាក់ ជាកាតាលីករសម្រាប់ការផ្លាស់ប្តូរ
រឿងពីរដែលកើតឡើងជាញឹកញាប់ នៅពេលដែលស្នេហាបរាជ័យ
- ជាញឹកញយ យើងបំផ្លាញឱកាសអនាគតខ្លួនឯង
- ប្រើស្នេហាដែលបរាជ័យ ជាកម្លាំងជំរុញក្នុងជីវិត
បើអាចធ្វើបាន ចូរយកភាពបរាជ័យធ្វើ ជាកម្លាំងជំរុញក្នុងជីវិតរបស់អ្នក។ មនុស្សជាច្រើនមានចំណុចប្រែប្រួលបន្ទាប់ពីស្នេហាបរាជ័យ។ ខណៈដែលមនុស្សជាច្រើន ឆ្លៀតឱកាសនេះ ដើម្បីធ្វើឲ្យខ្លួនឯងក្លាយជាមនុស្សល្អជាងនេះ។ កុំបន្ទោសខ្លួនឯងច្រើនពេក កុំមើលងាយខ្លួនឯង។ អនុញ្ញាតឲ្យវាបង្កើនល្បឿនការផ្លាស់ប្តូរដ៏ល្អសម្រាប់ខ្លួនយើង។
៣.ស្រលាញ់ខ្លួនឯងឲ្យច្រើន ជាងការស្រលាញ់មនុស្សដែលបានបាត់បង់ទៅ
នៅពេលស្នេហាបញ្ចប់យ៉ាងធ្ងន់ធ្ងរ វាមិនមានន័យថា យើងបរាជ័យក្នុងគ្រប់យ៉ាងនោះទេ។ មិនមែនមានន័យថា គ្មានអ្នកណាស្រលាញ់យើងទៀតទេ។ យើងនៅតែអាចស្រលាញ់ខ្លួនឯងបាន។ នៅតែមានមនុស្សជុំវិញយើង ដែលស្រលាញ់យើង នៅតែមានមនុស្សល្អ មនុស្សជាច្រើនកំពុងរង់ចាំយើងជួបគ្នា។ ស្រលាញ់ខ្លួនឯង និងអ្នកដែលនៅជាមួយយើង វានឹងជួយយើងឆ្លងកាត់គ្រាដ៏អាក្រក់មួយនេះ។
ប្រភព៖ sanook