យល់ដឹង៖ ជាការពិត ឈ្មោះថាមិត្ត ជាវត្ថុដ៏សំខាន់មួយដែលមិនអាចខ្វះបាននៅក្នុងជីវិត។ ព្រោះក្រៅពីសមាជិកគ្រួសារ សាច់ញាតិបងប្អូន មានតែមិត្តភក្ដិនោះហើយ ដែលអាចឲ្យយើងទីពឹងពាក់គេបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះខាងក្រោមនេះ ជាមិត្ត ១០ ប្រភេទដែលយើងគួរថែរក្សាឲ្យបានល្អ ប្រសិនបើការរាប់អានរបស់ពួកគេធ្វើឲ្យជីវិតរបស់យើងកាន់តែប្រសើរឡើង៕
១.មិត្តភក្តិដែលមានពេលវេលាសម្រាប់គ្នាទៅវិញទៅមក
មិត្តភក្តិដែលមានពេលវេលាសម្រាប់យើង ហើយយើងតែងតែមានពេលសម្រាប់មិត្តម្នាក់នេះ ដោយយើងតែងតែអាចលៃលកពេលវេលាឲ្យគ្នាបាន ឬពេលវេលាដែលយើងត្រូវការសុំជំនួយ មិត្តម្នាក់នេះនឹងមានពេលសម្រាប់យើងជានិច្ច ហើយគេតែងតែមកជួយយើង។
២.មិត្តដែលផ្តល់បេះដូងដល់យើង
មិត្តម្នាក់ដែលផ្តល់បេះដូងដល់យើងក្នុងរឿងផ្សេងៗ ត្រូវបានគេនិយាយយ៉ាងសាមញ្ញថា សុខចិត្តលះបង់អ្វីមួយដើម្បីជួយយើងក្នុងពេលដែលយើងត្រូវការ។
៣.មិត្តដែលជឿលើយើង
មិត្តល្អជឿជាក់លើយើង គាំទ្រយើងគ្រប់រឿង មិនសង្ស័យយើង នោះជាអ្វីដែលអ្នកគួររក្សាឲ្យបានល្អ។
៤.មិត្តភក្ដិដែលត្រៀមនឹងនៅជាមួយអ្នក នៅពេលអ្នកមានបញ្ហា
ជាការពិតណាស់ មិត្តភក្តិមិនអាចដោះស្រាយបញ្ហាទាំងអស់របស់យើងបានទេ។ ប៉ុន្តែយ៉ាងហោចណាស់ នៅថ្ងៃមិនល្អរបស់យើង មានមិត្តល្អនឹងនៅក្បែរយើងនោះគ្រប់គ្រាន់ហើយ។
៥.មិត្តភក្តិដែលលើកទឹកចិត្តយើងនៅថ្ងៃមិនល្អ
មនុស្សគ្រប់រូបមានថ្ងៃមិនល្អរៀងៗខ្លួន តែមិត្តដែលល្អនឹងគាំទ្រយើងឆ្លងកាត់ថ្ងៃអាក្រក់នោះ ពួកគេនឹងមានការយល់ចិត្ត ការផ្ដល់កម្លាំងចិត្តជាមួយយើង។
៦.មិត្តភក្តិដែលណែនាំយើងឲ្យទទួលបានជោគជ័យ
វាប្រហែលជាមិនមែនជាបញ្ហាលុយទេ ប៉ុន្តែប្រហែលជាវាគ្រាន់តែជាការលើកទឹកចិត្ត ដែលជួយគាំទ្រយើងឲ្យរីកចម្រើន គាំទ្រតាមរបៀបដ៏ល្អណាមួយ។
៧.មិត្តភក្តិដែលប្រាប់យើងពីការពិត
មិត្តមិនកុហក មិត្តល្អដែលតែងតែប្រាប់យើងពីការពិត ទោះបីជាការពិតប្រហែលជាមិនច្រើនដូចដែលយើងចង់ឮក៏ដោយ តែគេនឹងរំឮកយើង នោះហើយជាមិត្តដ៏គួរឲ្យសេពគប់បំផុត។
៨.មិត្តដែលយល់ពីអារម្មណ៍របស់យើង
មិត្តដែលយល់ពីអារម្មណ៍ និងអាចទ្រាំទ្រនឹងអារម្មណ៍របស់យើងក្នុងកម្រិតជាក់លាក់មួយ ពួកគេត្រូវបានគេចាត់ទុកថាជាមនុស្សល្អណាស់ ហើយយើងគួរតែរក្សាពួកគេ។
៩.មិត្តដែលមិនយករឿងយើងទៅនិយាយបន្ត
ជារឿយៗ យើងតែងតែពិភាក្សាអំពីបញ្ហាផ្សេងៗជាមួយមិត្តភក្តិដែលយើងទុកចិត្ត។ ហើយនៅពេលដែលនិយាយរួចជាមួយគ្នាហើយ មិត្តនោះមិនយករឿងយើងទៅនិយាយជាមួយអ្នកផ្សេងទៀត នោះមានន័យថា គេជាមិត្តដែលស្មោះត្រង់ជាមួយយើង។
១០.មិត្តដែលចិត្តនៅជិត ទោះបីខ្លួននៅឆ្ងាយ
មិត្តល្អចុងក្រោយ នឹងរក្សាទំនាក់ទំនងជាមួយយើងជានិច្ច ទោះបីយើងនៅឆ្ងាយពីគ្នាក៏ដោយ ប៉ុន្តែបេះដូងរបស់យើងនៅតែជិតស្និទ្ធ មិត្តភាពពិតមិនត្រូវបានវាស់ដោយចម្ងាយនោះទេ។
យ៉ាងណាមិញ ប្រសិនបើអ្នកមានមិត្តទាំង ១០ ប្រភេទនេះនៅក្បែរខ្លួនរាល់ថ្ងៃ ចូររក្សាពួកគេឲ្យបានល្អ។ ម្យ៉ាងទៀត កុំភ្លេចធ្វើជាមិត្តបែបនេះសម្រាប់ពួកគេវិញផង។
ប្រភព៖ sanook