សម្តេចតេជោ ហ៊ុន សែន តេស្តវិជ្ជមានកូវីដ១៩

https://s9.kh1.co/75/7598f683a9488d605a07a8ae7c3798c94684e7f1.jpg
សង្គម
 15-Nov-2022 8am · 22 days ago

សម្តេចតេជោ ហ៊ុន សែន តេស្តវិជ្ជមានកូវីដ១៩ នៅមន្ទីរពេទ្យប្រទេសឥណ្ឌូណេស៊ី បន្ទាប់ពីតេស្តរហ័សនៅកម្ពុជា លទ្ធផលអវិជ្ជមាន

រាជធានីភ្នំពេញ ៖ នេះបើយោងតាមប្រសាសន៍របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីព្រឹកថ្ងៃទី១៥ ខែវិច្ឆិកា ឆ្នាំ២០២២ សម្តេចបានតេស្តវិជ្ជមានកូវីដ១៩ នៅមន្ទីរពេទ្យប្រទេសឥណ្ឌូណេស៊ី បន្ទាប់ពីសម្តេចបានហោះទៅដល់ប្រទេសនេះកាលពីល្ងាចម្សិលមិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ សម្តេចមានប្រសាសន៍បន្តថា ជាសំណាងមួយដោយសារតែ ម្សិលមិញនេះសម្តេចបានធ្វើដំណើរយឺត ខកខានមិនបានចូលរួមបាយល្ងាចជាមួយប្រមុខរដ្ឋ ប្រមុខរដ្ឋាភិបាលមួយចំនួនដែលរៀបចំដោយប្រធានាធិបតីបារាំង ស្របពេលដែលសម្តេចបានតេស្តរាល់ថ្ងៃ ជាពិសេសតេស្តរហ័សមុនចេញដំណើរ តែលទ្ធផលអវិជ្ជមាន។

គួរបញ្ជាក់ផងដែរថា សម្តេចបានសម្រេចឲ្យប្រតិភូកម្ពុជា វិលត្រឡប់ទៅកម្ពុជាវិញទាំងអស់។ ឯតំណាងប្រទេសអាស៊ាន កំពុងចរចាប្រគល់ជូនឥណ្ឌូនេសុីជាតំណាងតែម្តង។ ទៀតសោត សម្តេចបានបញ្ជាក់ថា អ្វីដែលអាក់ខានគឺជំនួបបានគ្រោងទុក ជាមួយប្រធានាធិបតីចិននិងប្រធានាធិបតីបារាំង ដែលគ្រោងជួបគ្នានៅបាងកកប្រទេសថៃនាពេលប្រជុំAPEC ចំពោះ សម្តេចនឹងគ្រោងត្រឡប់ទៅដល់កម្ពុជាវិញនៅល្ងាចថ្ងៃនេះជាមួយអាការៈធម្មតា ដោយសម្តេចនឹងបន្តធ្វើការធម្មតាលើកលែងតែការទទួលភ្ញៀវ៕

សម្តេចអគ្គមហាសេនាបតីតេជោ ហ៊ុន សែន
សម្តេចអគ្គមហាសេនាបតីតេជោ ហ៊ុន សែន

ប្រភព ៖Facebook

Hong Sovanmonyneat
N.N

អត្ថបទទាក់ទង