យល់ដឹង៖ ជឿជាក់ថា ប្រិយមិត្តនារីៗជាច្រើន ប្រាកដជាមានគំនិតចង់ពន្យាថ្ងៃមករដូវរបស់ខ្លួន ជាពិសេស នៅពេលដែលមានភារកិច្ចរវល់ទៅទីណាមួយ ឬដល់ថ្ងៃដែលមានការណាត់ជួប ឬពិធីបុណ្យសំខាន់ៗផ្សេងៗ ដែលចំពេលនៃការមករដូវ។ ដូច្នេះអ្នកប្រហែលជាចង់ពន្យារពេលការមករដូវរបស់អ្នកឲ្យមកមុន ឬលើកទៅថ្ងៃបន្តបន្ទាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ថ្ងៃនេះផងដែរ យុវវ័យ បានដាក់បញ្ចូលនូវវិធី ៨ យ៉ាង ដែលអាចជួយពន្យារការមករដូវដោយមិនបាច់លេបថ្នាំមកចែករំលែកដល់មិត្តៗនារី ឲ្យបានជ្រាប និងអាចអនុវត្តតាមដូចខាងក្រោម៖
១.ញ៉ាំអាហារហឹរ
អាហារហឹរ ជួយជំរុញឲ្យរដូវមកលឿនជាងធម្មតា ហើយវាក៏បណ្តាលឲ្យអស់រដូវឆាប់ជាងធម្មតា។ ទោះជាយ៉ាងណាក៏ដោយ វិធីនេះអាចបណ្តាលឲ្យមករដូវច្រើនជាងធម្មតាផងដែរ។
២.ផឹកទឹកខ្ញី
ព្រោះខ្ញីជាឱសថក្តៅ វាមានលក្ខណៈសម្បត្តិជួយជំរុញដល់ការបញ្ចេញអ័រម៉ូន estrogen។ ដូច្នេះនៅពេលដែល estrogen ចុងក្រោយក្នុងបរិមាណច្រើន វានឹងបណ្តាលឲ្យមានរដូវមនុស្សស្រីមកលឿនជាងមុន។
៣.ញ៉ាំផ្លែឈើក្នុងតំបន់ត្រូពិច
ផ្លែឈើនៅតំបន់ត្រូពិច ដូចជា ផ្លែទទឹម ម្នាស់ ការ៉ុត ល្ហុង ឬល្ពៅ សុទ្ធតែជាផ្លែឈើដែលជំរុញឲ្យរដូវមកលឿនជាងធម្មតា។ វាជាក្រុមផ្លែឈើដែលជំរុញការផលិតអរម៉ូន estrogen។ មនុស្សស្រីអាចញ៉ាំផ្លែឈើទាំងនេះក្នុងទម្រង់ ជាភេសជ្ជៈ ផងក៏បាន ដែលអាចច្របាច់ស្រស់ៗក៏បាន ដោយមិនចាំបាច់បន្ថែមជាតិស្ករ ឬជាតិផ្អែមបន្ថែម នោះទេ។
៤.ញ៉ាំផ្លែឪឡឹក
ញ៉ាំឪឡឹកក្នុងបរិមាណច្រើន វានឹងជួយបន្ថយវដ្តរដូវ ដែលល្អសម្រាប់មនុស្សស្រី ដែលចង់ពន្យារការមករដូវ វាត្រូវបានណែនាំឲ្យញ៉ាំឪឡឹកច្រើន។ ព្រោះឪឡឹកជាផ្លែឈើមួយប្រភេទដែលជួយបញ្ចេញកម្ដៅក្នុងខ្លួន។ ជាលទ្ធផល ការមករដូវមកយឺតជាងធម្មតា។
៥.ការប្រើថង់ទឹកក្តៅស្អំ
ការប្រើថង់ទឹកក្តៅស្អំក្បែរតំបន់សំខាន់ នឹងជំរុញលំហូរឈាមឲ្យដើរបានល្អ។ ដូច្នេះ វាមានឱកាស ដែលការមករដូវមកលឿនជាងធម្មតា។ អ្នកក៏អាចប្រើថង់ទឹកក្តៅដើម្បីពន្យារពេលមករដូវលឿនជាងមុនផងដែរ។
៦.ម៉ាស្សាស្បូន
ការម៉ាស្សាស្បូន ឬម៉ាស្សាលើក្បាលពោះឲ្យបានត្រឹមត្រូវ វានឹងជួយបន្ថយវដ្តរដូវ។ វាក៏ជាវិធីសាស្រ្តដ៏មានប្រសិទ្ធភាពផងដែរ។ វាក៏មានប្រជាប្រិយភាពផងដែរក្នុងចំណោមស្ត្រី ដែលចង់កែតម្រូវវដ្តរដូវ។ អ្នកក៏អាចប្រើប្រេង ដើម្បីម៉ាស្សាតំបន់ត្រគាក និងពោះរបស់អ្នក ដើម្បីបន្ថយរដូវរបស់អ្នក។ សំខាន់ការម៉ាស្សាស្បូនក៏ជួយបំបាត់ការឈឺចាប់ពេលមករដូវផងដែរ។
៧.ធ្វើលំហាត់ប្រាណឲ្យបានញឹកញាប់
ការធ្វើលំហាត់ប្រាណញឹកញាប់ ឬបង្កើនលំហាត់ប្រាណច្រើនជាងពេលណាៗទាំងអស់ នឹងជួយកែតម្រូវអរម៉ូននៅក្នុងខ្លួន ដែលរួមចំណែកដល់ការមករដូវរបស់មនុស្សស្រី អាចមកយឺតជាងពេលមុន។ វាក៏ជារាងកាយដែលមានសុខភាពល្អដើម្បីឲ្យរឹងមាំផងដែរ។
៨.កុំញ៉ាំសូកូឡាខ្មៅ
សម្រាប់ស្ត្រីដែលចង់ពន្យារពេលមករដូវ ត្រូវបានណែនាំឲ្យបដិសេធមិនបរិភោគសូកូឡាខ្មៅឡើយ។ ព្រោះអាហារនេះមានតួនាទីជំរុញអ័រម៉ូនប្រូហ្សេស្តេរ៉ូន។ ដោយសារតែសូកូឡាខ្មៅសម្បូរទៅដោយម៉ាញេស្យូម។ ហើយម៉ាញ៉េស្យូមគឺជាកត្តាសំខាន់ដែលបង្កើនកម្រិតប្រូសេស្តេរ៉ូននៅក្នុងខ្លួន។
ប្រភព៖ sanook
Bong I.T