បរទេស៖ ថ្មីៗនេះមានការបែកធ្លាយលទ្ធផលនៃការប្រជែងពាន Ballon d’Or សម្រាប់ឆ្នាំ ២០២២ នៅលើបណ្តាញសង្គម, ហើយខ្សែប្រយុទ្ធ Karim Benzema របស់ Real Madrid ត្រូវបានគេដឹងថា ជាអ្នកឈរនៅតំណែងលេខ ១ ក្នុងនាមជាម្ចាស់ពានលំដាប់កំពូលឯកត្តជនមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Benzema ត្រូវបានអ្នកគាំទ្របាល់ទាល់នៅជុំវិញពិភពលោករំពឹងខ្ពស់មែនទែនថា រូបគេនឹងអាចគ្រងតំណែងពានបាល់មាសនៅឆ្នាំនេះជំនួស Lionel Messi ដែលឈ្នះពាននេះនៅឆ្នាំ ២០២១ បាន បន្ទាប់ពីរូបគេបង្ហាញសមត្ថភាពបានយ៉ាងល្អនៅរដូវកាលមុន។
គួរបញ្ជាក់ថា នៅរដូវកាលមុន ខ្សែប្រយុទ្ធសញ្ជាតិ បារាំង រកបាន ៤៤ គ្រាប់ ក្នុងចំណោមការបង្ហាញខ្លួន ៤៦ ប្រកួតឱ្យ Real Madrid ហើយក្នុងនោះរូបគេបានចូលរួមចំណែកយ៉ាងធំធេងក្នុងការជួយឱ្យក្រុម អធិរាជស ឈ្នះពាន ៤ ធំៗក្នុងមួយរដូវកាលដូចជា Champions League, La Liga, UEFA Supercup និង Spanish Super Cup៕
ខាងក្រោមនេះគឺជាលទ្ធផលបែកធ្លាយនៃអ្នកឈ្នះពាន Ballon d’Or សម្រាប់ឆ្នាំ ២០២២៖
ប្រភព៖ Sports Brief