បារាំង៖ ខ្សែការពារ Thilo Kehrer បានសម្រេចចិត្តចាកចេញពី Paris Saint Germain ហើយ ដើម្បីផ្លាស់មកកាន់ West Ham United នៃលីគកំពូលអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Kehrer ជា កីឡាកររបស់ PSG ពីចន្លោះឆ្នាំ ២០១៨-២០២២ ប៉ុន្តែ ដោយសារពីររដូវកាលចុងក្រោយនេះ រូបគេពុំសូវបានបង្ហាញខ្លួនទាល់តែសោះ ទើបធ្វើឲ្យសមីខ្លួន និង ក្លិប ឈានដល់ការចែកផ្លូវគ្នា ខណៈ រូបគេក៏ធ្លាប់បានរួមចំណែកជួយក្រុមឈ្នះពាន Ligue 1 បីដង ផងដែរ។
ចំណែកប្រាក់ដែល PSG ទទួលបានពីការលក់ Kehrer មកកាន់ West Ham គឺ មានចំនួនប្រមាណជា ១០លានផោន (ឬប្រមាណ ១២លានដុល្លារ) ខណៈ រូបគេបានចុះហត្ថលេខាលើកិច្ចសន្យាចំនួន៤ឆ្នាំ ជាមួយក្លិបញញួរធំខាងលើ៕
ប្រភព៖ West Ham United