អ៊េមណាស់! Man UTD កំពុងចង់ខ្ចីជើងកីឡាករ Chelsea ម្នាក់នេះ

អង់គ្លេស៖ ក្លិប Manchester United ត្រូវបានសារព័ត៌មាន The Athletic រាយការណ៍ថាចាប់អារម្មណ៍ចង់ខ្ចីជើង ខ្សែបម្រើ Christian Pulisic ពីក្លិប Chelsea ។

ប៉ុន្តែមិនមែនមានតែភាគីលោក Erik Ten Hag ទេដែលចាប់អារម្មណ៍សូម្បី Newcastle, Juventus និង Atletico Madrid ក៏ចង់បានប្រធានក្រុមជម្រើសជាតិអាមេរិករូបនេះដែរ។

Pulisic បានផ្ទេរពី Borussia Dortmund មកកាន់ទឹកដី Stamford Bridge កាលឆ្នាំ២០១៩ ប៉ុន្តែមកទល់ពេលនេះ លោក Thomas Tuchel ពុំបានដាក់ឲ្យគេចូលលេងទៀងទាត់នោះឡើយ បន្ទាប់ពីការមកដល់របស់ Raheem Sterling ។

ដូច្នេះហើយទើប Pulisic មិនសូវសប្បាយចិត្តព្រោះចង់មាននាទីលេងច្រើនដើម្បីអាចបង្ហាញមុខក្នុងការប្រកួតបាល់ទាត់ពិភពលោកតំណាងឲ្យ សហរដ្ឋអាមេរិក។

Pulisic បង្ហាញខ្លួនបាន៣៨ប្រកួត និងរកបាន៨គ្រាប់ ព្រមទាំងបញ្ជូនបាល់៥គ្រាប់ផងដែរ៕

ប្រភព៖ sportskeeda