អឺរ៉ុប៖ ក្លិប Manchester United ត្រូវបានគេរាយការណ៍ថា បានជួបពិភាក្សានឹងអ្នកតំណាងរបស់ Joao Felix កាលពីយប់មញ ជុំវិញលទ្ធភាពនាំយកតារាឆ្នើម Atletico Madrid ខាងលើមកកាន់កីឡដ្ឋាន Old Trafford។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅពេលនេះ Man Utd កំពុងតែព្យាយាមស្វះស្វែងខ្លាំងមែនទែន ដើម្បីនាំចូលកីឡាករចំណូលថ្មីបន្ថែមទៀតមកពង្រឹងក្រុម បន្ទាប់ពីក្រុមបិសាចក្រហមចាប់ផ្តើមមិនបានល្អទាល់តែសោះនៅក្នុងក្របខណ្ឌ Premier League ដោយ បានបរាជ័យការប្រកួតបើកឆាកទាំងពីរប្រកួត ខណៈ បច្ចុប្បន្នពួកគេកំពុងមានពាក្យចចាមអារ៉ាមក្នុងការនាំយក Felix និង Casemiro មករួមក្រុម។
យ៉ាងណាក៏ដោយ បើយោងទៅតាមការចុះផ្សាយរបស់កាសែតកីឡាដ៏ល្បីល្បាញ Marca បានលើកឡើងថា អ្នកតំណាងរបស់ Man Utd បានធ្វើដំណើរមកកាន់កីឡដ្ឋាន Wanda Metropolitano ផ្ទាល់ដើម្បីបើកការចរចារក្នុងការនាំយក Felix មករួមក្រុម ប៉ុន្តែ ភាគីខាង Atletico Madrid ហាក់មិនមានបំណងក្នុងការលក់កីឡាករសញ្ជាតិព័រទុយកាល់ខាងលើឡើយ ប៉ុន្តែ Man Utd នឹងព្យាយាមឲ្យអស់ពីសមត្ថភាពនៅប៉ុន្មានថ្ងៃខាងមុខនេះដើម្បីចរចារយករូបគេមករួមក្រុមឲ្យបាន៕
ប្រភព៖ metro