ក្រុមហ៊ុនធានារ៉ាប់រងអាយុជីវិត ដាយ អ៉ីឈិ ឡាយហ្វ៍ បានដាក់សម្ពោធផលិតផលឌីជីថល “ប្រាយ ឡាយហ្វ៍” នៅក្នុងប្រទេសកម្ពុជា!

ភ្នំពេញ៖ ក្រុមហ៊ុនធានារ៉ាប់រងអាយុជីវិត ដាយ អ៉ីឈិ ឡាយហ្វ៍ (ខេមបូឌា) បានប្រកាសដាក់សម្ពោធផលិតផល “ប្រាយ ឡាយហ្វ៍” ដែលជាគម្រោងធានារ៉ាប់រងអាយុជីវិតបែបឌីជីថលដំបូងរបស់ក្រុមហ៊ុននៅក្នុងប្រទេសកម្ពុជា។ ផលិតផលនេះ មានលក្ខខណ្ឌសាមញ្ញជាមួយនឹងបុព្វលាភធានារ៉ាប់រងទាបត្រឹម ៨២,០០០រៀល/ឆ្នាំ។ អតិថិជន អាចទិញគម្រោងធានារ៉ាប់រងអាយុជីវិតនេះ តាមរយៈប្រព័ន្ធអ៊ិនធឺណេត និងទទួលបានការការពារយ៉ាងឆាប់រហ័ស។

ដើម្បីអបអរសាទរខួប១២០ឆ្នាំ ក្រុមហ៊ុន ដាយ អ៉ីឈិ ឡាយហ្វ៍ នឹងចាប់ផ្តើមយុទ្ធនាការ "ការពារ និងបរិច្ចាគ" របស់ខ្លួនជាមួយនឹងការបញ្ចុះតម្លៃរហូតដល់ ៥០% សម្រាប់ការទិញផលិតផល “ប្រាយ ឡាយហ្វ៍” ចាប់ពីថ្ងៃទី០៨ ខែសីហា រហូតដល់ថ្ងៃទី០៨ ខែវិច្ឆិកា ឆ្នាំ២០២២។ បុព្វលាភធានារ៉ាប់រងដែលលក់បានក្នុងអំឡុងពេលយុទ្ធនាការនេះ នឹងត្រូវបរិច្ចាគទៅកាន់មន្ទីរពេទ្យកុមារអង្គរខេត្តសៀមរាប។

លោក អាឡិន ថៃ អគ្គនាយកប្រតិបត្តិនៃក្រុមហ៊ុន ដាយ អ៉ីឈិ ឡាយហ្វ៍ បានមានប្រសាសន៍ថា៖

លោក អាឡិន ថៃ បានបន្តទៀតថា៖

សម្រាប់ព័ត៌មានបន្ថែម សូមចូលទៅកាន់គេហទំព័ររបស់យើង៖ https://dai-ichilife.com.kh/pages/ ឬទំនាក់ទំនងផ្នែកបម្រើអតិថិជនតាមរយៈ 1800 201 202។

អំពី ដាយ អ៉ីឈិ ឡាយហ្វ៍

ក្រុមហ៊ុន ដាយ អ៉ីឈិ ឡាយហ្វ៍ អ៊ីនសួរ៉ិនស៍ (ខេមបូឌា) ម.ក (”ដាយ អ៉ីឈិ ឡាយហ្វ៍”) គឺជាក្រុមហ៊ុនបុត្រសម្ព័ន្ធរបស់ ក្រុមហ៊ុន ដាយ អ៉ីឈិ ឡាយហ្វ៍ ហូលឌីង (”DLHD”) ដែលជាក្រុមហ៊ុនធានារ៉ាប់រងអាយុជីវិតឈានមុខគេនៅក្នុងប្រទេសជប៉ុន អស់រយៈពេលជិត ១២០ឆ្នាំ ជាប្រវត្តិសាស្ត្រ។ DLHD ជាក្រុមហ៊ុនដែលបានចុះបញ្ជីនៅលើទីផ្សារភាគហ៊ុន Tokyo Stock Exchange។

ចាប់តាំងពីបានបង្កើតឡើងនៅក្នុងឆ្នាំ ១៩០២ មក DLHD បានបេ្តជ្ញាចិត្តឈរនៅក្បែរអតិថិជនរបស់យើង និងមនុស្សជាទីស្រឡាញ់របស់ពួកគេអស់មួយជីវិត និងខិតខំប្រឹងប្រែងរួមគ្នាក្នុងការផ្តល់ជូននូវ ”ភាពស្ងប់ចិត្ត” ក្រោមទស្សនៈរបស់យើង ”អតិថិជនជាចម្បង”។ យើងចូលរួមចំណែកជាមួយសហគមន៍មូលដ្ឋានតាមរយៈការផ្តល់ជូនសេវាធានារ៉ាប់រងអាយុជីវិត និងសេវាកម្មផ្សេងទៀត។

** Dai-ichi Life Group មានមូលធនរឹងមាំ ជាមួយនឹងទ្រព្យសម្បត្តិសរុបចំនួន ៥៣៨ ពាន់លានដុល្លារ និងបុព្វលាភធានារ៉ាប់រងជាង៤៣ពាន់លានដុល្លារ។ (គិតត្រឹមថ្ងៃទី៣១ ខែមីនា ឆ្នាំ២០២២) ។