គុណភាពមែនៗ! ប្រកួតដំបូងនៅ PL, Nunez ប្រើក្បាច់ពិសេស ផាយកែងស៊ុតបញ្ចូលទីទៅលើ Fulham អ៊េមហួស(មានវីដេអូ)

បរទេស៖ ប្រកួតបើកឆាករដូវកាលថ្មី ខ្សែប្រយុទ្ធចំណូលថ្មី Darwin Nunez រកបានមួយគ្រាប់យ៉ាងអស្ចារ្យ តាមរយៈការប្រើក្បាច់ផាយកែងស៊ុតបញ្ចូលទីមួយគ្រាប់ឱ្យ Liverpool ទៅលើ Fulham នៃការប្រកួតក្របខណ្ឌ Premier League យប់មិញនេះ។

ជាការពិតណាស់ នៅក្នុងការប្រកួតសប្តាហ៍ទី ១ នៃក្របខណ្ឌ Premier League យប់មិញ, Fulham និង Liverpool បានត្រឹមចែកគ្នាម្នាក់មួយពិន្ទុប៉ុណ្ណោះ បន្ទាប់ពីពួកគេស្មើគ្នា ២ ទល់នឹង ២។

ក្នុងនោះ ២ គ្រាប់របស់ក្រុមម្ចាស់ផ្ទះ Fulham គឺរកបានដោយកីឡាករ Aleksandar Mitrovic ទាំង ២​ គ្រាប់ ពោលគឺនៅនាទីទី ៣២ និង ៧២(P), ដោយឡែក ២ គ្រាប់របស់ Liverpool គឺរកបានដោយ Darwin Nunez នៅនាទីទី ៦៤ និង Mohamed Salah នៅនាទីទី ៨០៕

សូមទស្សនាវីដេអូខាងក្រោម៖