ក្តៅដូចបាយពុះ! Romano រាយការណ៍ថាតារាលំដាប់ A រូបនេះបានស្នើសុំ Man UTD ចាកចេញនៅរដូវក្តៅនេះ

បរទេស៖ ខ្សែប្រយុទ្ធម្ចាស់អាវលេខ ៧ Cristiano Ronaldo ទំនងមិនចង់បន្តរួមរស់ជាមួយ Manchester United ទៀតទេ បន្ទាប់ពីថ្មីៗនេះលេចឮថារូបគេបានស្នើសុំថ្នាក់លើក្លិបចាកចេញនៅរដូវក្តៅនេះ, នេះបើតាមប្រភពច្បាស់ការនៅបរទេស។

យោងតាមការចុះផ្សាយរបស់អ្នកកាសែត អ៊ីតាលីលោក Fabrizio Romano បានឱ្យដឹងថា Ronaldo បានប្រាប់ទៅ Man UTD ថាគាត់ចង់ចាកចេញនៅរដូវក្តៅនេះ ដើម្បីបំពេញមហិច្ចតារបស់ខ្លួនបន្ថែមទៀត។  ប៉ុន្តែសម្រាប់ក្លិបផ្ទាល់គឺមិនទាន់សម្រេចចិត្តទេ ដោយពួកគេសង្ឃឹមថានឹងអាចរក្សាទុក CR7 ឱ្យស្នាក់នៅបន្តបាន។

គួរបញ្ជាក់ថា Ronaldo បានផ្លាស់មក Man UTD ជាលើកទី ២ នៅរដូវកាលមុន ហើយកុងត្រារបស់គាត់នៅសល់ ១ រដូវកាលទៀត ពោលគឺដល់ខែ មិថុនា ឆ្នាំ ២០២៣ ខាងមុខ៕