អឺរ៉ុប៖ ភ្នាក់ងារកីឡាករ Neymar ត្រូវបានគេរាយការណ៍ថា បានទាក់ទងទៅកាន់ Manchester United ជុំវិញការនាំយកកីឡាករសញ្ជាតិប្រេស៊ីលខាងលើមកកាន់កីឡដ្ឋាន Old Trafford។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ PSG បានទិញយក Neymar ពី Barcelona ក្នុងតម្លៃថ្លៃជាងគេនៅលើលោក ២២២លានអឺរ៉ូ (ឬប្រមាណ ២៣៣លានដុល្លារ) ហើយ ក្លិបរំពឹងថាវត្តមានរបស់គេនឹងជួយក្រុមឲ្យឈ្នះពានរង្វាន់ Champions League ប៉ុន្តែ ផ្ទុយទៅវិញគេពុំបានជួយឲ្យក្លិបសម្រេចគោលដៅនេះបាននៅឡើយទេ ខណៈ បច្ចុប្បន្នទម្រង់លេងរបស់គេបានធ្លាក់ចុះបណ្តើរៗហើយ។ លើសពីនេះទៀតសោត ក៏មានពាក្យចចាមអារ៉ាមថា ក្លិបគ្រោងនឹងដាក់លក់រូបគេតែម្តងនៅក្នុងទីផ្សារដោះដូរកីឡាកររដូវក្តៅនេះ ប្រសិនបើមានក្លិបហ៊ានផ្តល់តម្លៃសមរម្យណាមួយ។
បើយោងទៅតាមការចុះផ្សាយរបស់កាសែត 90min បានលើកឡើងថា ភ្នាង់ងាររបស់ Neymar បានកំពុងតែទាក់ទងជាមួយ Man Utd ដើម្បីនាំយករូបគេមកទីនោះជាពិសេសដើម្បីជំនួសតំណែងរបស់ Edinson Cavani និង Jesse Lingard ដែលបានចាកចេញ៕
ប្រភព៖ sportskeeda