កម្សាន្ត ÷ វាមានរយៈពេល ៦ ឆ្នាំហើយ ចាប់តាំងពីការបង្ហាញខ្លួនលើកដំបូងរបស់ BLACKPINK ហើយសមាជិកម្នាក់ៗ បានឆ្លងកាត់ការផ្លាស់ប្តូរដ៏ធំ នៅក្នុងរចនាប័ទ្មរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់ Jennie ជាពិសេស ស្ទីលរបស់នាងគឺទំនោរទៅរកភាពរស់រវើករបស់បស្ចិមប្រទេស ដែលនាំឱ្យមានប្រតិកម្មចម្រុះ ក្នុងចំណោមអ្នកលេងអ៊ីនធើណែតកូរ៉េ ក្នុងនោះការផ្លាស់ប្តូរម៉ូដ និងការតុបតែងមុខរបស់ Jennie បាននាំឱ្យមានការជជែកដេញដោលយ៉ាងក្តៅគគុក នៅលើវេទិកាអនឡាញរបស់កូរ៉េ ដែលអ្នកនិយមលេងអ៊ីនធើណែតបានចង្អុលបង្ហាញថា Jennie កាន់តែរីកចម្រើនទៅស្ទាយបែបលោកខាងលិច។
យ៉ាងណាដំបូងឡើយ នៅពេលដែលនាងបង្ហាញខ្លួនជាលើកដំបូង ជាមួយក្រុម BLACKPINK Jennie បានទទួលយកស្ទាយគួរឲ្យស្រលាញ់ ជាមួយនឹងស្ទីលតុបតែងខ្លួនបែបកូរ៉េធម្មជាតិៗ ដែលទទួលបានការសរសើរពីអ្នកនិយមលេងអ៊ីនធើណែតកូរ៉េ និងសូម្បីតែនៅក្នុងរូបរាងរបស់នាងនៅអាកាសយានដ្ឋានក៏ដោយ ក៏ Jennie តុបតែងខ្លួនយ៉ាងសាមញ្ញជាមួយនឹងអាវធំ ខោជើងវែង ឬអាវធំធម្មតា ដូច្នេះហើយម៉ូដរបស់នាង ត្រូវបានគេសរសើរជានិច្ចនៅកូរ៉េ។
យ៉ាងណាមិញ នៅពេលដែលប្រជាប្រិយភាពរបស់ Jennie រីកដុះដាលនៅក្រៅប្រទេសកូរ៉េ នាងក៏ក្លាយជាតារានៃពិភពម៉ូដ ហើយជារឿយៗតែងតែធ្វើដំណើរទៅក្រៅប្រទេសគឺទ្វីបអឺរ៉ុប និងអាមេរិក ដើម្បីចូលរួមកម្មវិធីបង្ហាញម៉ូដ ជាលទ្ធផល ម៉ូដនៃការតុបតែងមុខ និងរូបថតរបស់ Jennie ចាប់ផ្តើមផ្លាស់ប្តូរ ជំនួសឱ្យទឹកដមដ៏ផ្អែមល្ហែមរបស់ប្រទេសកូរ៉េ Jennie ងាកទៅតុបតែងខ្លួន បែបស៊ិចស៊ី សម្លៀកបំពាក់របស់នាង ក៏កាន់តែដូចតារាលោកខាងលិច។
ហើយទោះបីជារូបរាងរបស់នាង ពេលនេះទទួលរងការរិះគន់ក៏ដោយ ក៏មហាជននៅតែមិនអាចប្រកែកបានថា Jennie គឺជាតារាបង្ហាញម៉ូដ ដ៏អស្ចារ្យ និងមានប្រជាប្រិយភាពយ៉ាងណាបច្ចុប្បន្ន ៕
ប្រភព: Kbizoom