អង់គ្លេស៖ ខ្សែបម្រើ Bruno Fernandes ជឿជាក់ថា Manchester United នឹងត្រឡប់មកភាពខ្លាំងដូចពីមុនវិញ ក្រោមការដឹកនាំរបស់លោក Erik ten Hag។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្រោយការមកដល់របស់លោក Ten Hag អ្នកគាំទ្រជាច្រើនបានរំពឹងថា រូបលោកនឹងអាចស្តារមុខមាត់កិត្តិយសឲ្យ Man Utd វិញបន្ទាប់ពី៥រដូវកាលចុងក្រោយនេះ គឺ ក្លិបពុំបានឈ្នះពានរង្វាន់អ្វីទាល់តែសោះ ហើយ លើសពីនេះទៀតសោតកាលពីរដូវកាលមុន ក្រុមបិសាចក្រហមបរាជ័យក្នុងការដណ្តើមកៅអីលេងក្នុងពានរង្វាន់ Champions League សម្រាប់រដូវកាលថ្មីផងដែរ។
Bruno បាននិយាយថា៖
ខ្ញុំជឿជាក់ថា Man Utd នឹងត្រឡប់មកវិញនូវទីតាំងដែលពួកគេស័ក្តិសមនឹងស្ថិតនៅ ដែលនេះជាហេតុផលដែលខ្ញុំសម្រេចចិត្តបន្តកុងត្រាថ្មី។ វាប្រហែលជាមិនអាចទាន់កើតឡើងនារដូវកាលក្រោយបានឡើយ ប៉ុន្តែ ខ្ញុំគិតថាម្តងបន្តិច ក្រុមនឹងត្រឡប់មកភាពរុងរឿងដូចកាលពីមុនឡើងវិញ៕
ប្រភព៖ sportskeeda
Bong I.T