ទុក្ខជាក់ទុក្ខ! រកលុយមិនទាន់សងសំណងអតីតស្វាមីផង Amber Heard ត្រូវគេចោតប្រកាន់រឿងមួយនេះ

បរទេស៖ យោងតាម ​​E T Online នៅក្នុងសេចក្តីថ្លែងការណ៍មួយកាលពីថ្ងៃទី ២៨ ខែមិថុនា អ្នកនាំពាក្យរបស់ក្រសួងកសិកម្ម ទឹក និងបរិស្ថានលើទឹកដីអូស្ត្រាលី បានលើកឡើងមកថា កំពុងស៊ើបអង្កេតការចោទប្រកាន់របស់ តារាសម្តែងស្រី Amber Heard ពីបទភូតកុហកនៅក្នុងករណីយកសត្វចូលប្រទេស ក្នុងឆ្នាំ ២០១៥។

សារព័ត៌មាន Fox News បានរាយការណ៍ថា Heard កំពុងទទួលរងនូវការចោតប្រកាន់ នៃកំហុសឆ្គងឆ្នាំ ២០១៥ នៅពេលដែលនាងបាននាំសត្វចិញ្ចឹម ទៅប្រទេសអូស្ត្រាលី សុំច្បាប់នាំចូលសត្វចិញ្ចឹម មិនបានត្រឹមត្រូវ ថែមទាំងភូតកុហក់មន្ត្រីគយ តាមរយៈ​ ធ្វើដំណើរតាមយន្តហោះឯកជន ពេលរូបនាង ទៅលេងអតីតស្វាមីរបស់នាង ។

ក្នុងនោះផងដែរ Heard និយាយថា Kevin Murphy អតីតអ្នកគ្រប់គ្រងអចលនទ្រព្យរបស់ Depp ទទួលខុសត្រូវលើឯកសារអន្តោប្រវេសន៍ស្របច្បាប់សម្រាប់សត្វចិញ្ចឹម តែផ្ទុយទៅវិញ សម្រាប់ Murphy បុគ្គលនេះបានសារភាពថាវា តារាសម្តែង Aquaman រូបនេះ បានដាក់សម្ពាធឱ្យ លោកនិយាយកុហកអំពីបញ្ហានីតិវិធីបើមិនដូច្នោះទេលោក នឹងត្រូវបណ្តេញចេញ។

ទៀត តារាស្រីរូបនេះ ត្រូវបានចោទប្រកាន់ដំបូងពីបទល្មើសព្រហ្មទណ្ឌពីបទចូលសត្វដោយខុសច្បាប់ និងដោយចេតនាផ្តល់ឯកសារមិនពិត ឬបំភ័ន្ត ហើយប្រឈមមុខនឹងការជាប់ពន្ធនាគាររហូតដល់ ១០ ឆ្នាំ ថែមទាំង ត្រូវ​បង់​ប្រាក់​ពិន័យ​មួយចំនួនទៀត ដោយមន្ត្រីពាក់ព័ន្ធបានធ្វើការស៊ើបអង្កេតដូច្នេះដែរ៕

ប្រភព៖ https://zingnews.vn/

សូមទស្សនារូបភាពខាងក្រោម៖