Real Madrid ដាក់គោលដៅចង់បានកីឡាករ Man City រូបនេះក្រោយបរាជ័យក្នុងការទិញ Mbappe

អេស្ប៉ាញ៖ ក្លិប Real Madrid ត្រូវបានគេរាយការណ៍ថា ចាប់អារម្មណ៍ចង់បានខ្សែប្រយុទ្ធក្លិប Manchester City កីឡាករ Raheem Sterling មករួមក្រុមសម្រាប់រដូវកាលក្រោយ។

ជាការពិតណាស់ ការចង់បាននេះ បានកើតឡើងបន្ទាប់ពី Real Madrid ទទួលរងបរាជ័យក្នុងការដាក់សំណើចង់បាន Kylian Mbappe មករួមក្រុម ដោយកីឡាករសញ្ជាតិបារាំងរូបនេះបានយល់ព្រមបន្តកុងត្រាថ្មីជាមួយ Paris Saint Germain បីឆ្នាំបន្ថែមទៀត ដូច្នេះក្រុមអធិរាជសចាំបាច់ត្រូវប្តូរផែនការស្វែងរកកីឡាករថ្មីម្នាក់ទៀត។

បើយោងទៅតាមកាសែតកីឡា Daily Star បានលើកឡើងថា Real Madrid កំពុងតែសម្តែងការចាប់អារម្មណ៍ចង់បាន Sterling មករួមក្រុម បន្ទាប់ពីគេមើលឃើញថារូបគេពុំសូវបានបង្ហាញខ្លួននៅលើទីលានជាប់លាប់ ហើយ កុងត្រារបស់គេក៏នឹងអស់សុពលភាពក្រោយបំណាច់រដូវកាលក្រោយផងដែរ ខណៈ រូបគេនៅមិនទាន់បន្តកិច្ចសន្យានៅឡើយ៕

ប្រភព៖ sportskeeda