ជិតមកមែនទែនហើយ! Fabrizio Romano ថា Xavi បានទាក់ទងទៅ​ម្នាក់នេះដោយផ្ទាល់ដើម្បីហៅមកលេងនៅ Barca

អេស្ប៉ាញ៖ យោងតាមប្រភពគួរឲ្យទុកចិត្តបានពី Fabrizio Romano គឺ លោកគ្រូបង្វឹក Xavi Hernandez នៃក្លិប Barcelona បានទាក់ទងនិយាយជាមួយខ្សែប្រយុទ្ធ Robert Lewandowski ដល់ទៅពីរដងដើម្បីបញ្ចុះបញ្ចូលគេឲ្យផ្លាស់មក Barcelona ។​

កីឡាករសញ្ជាតិប៉ូឡូញរូបនេះបានបញ្ជាក់ច្បាស់ហើយថារូបគេនឹងមិនបន្តកុងត្រាថ្មីជាមួយ Bayern Munich នោះឡើយខណៈកុងត្រាចាស់នៅសល់១ឆ្នាំទៀតប៉ុន្តែពេលនេះ Barcelona ចង់បានគេខ្លាំងណាស់ដោយបានស្នើកុងត្រា៣ឆ្នាំទៀតផង។​

Lewandowski ក៏ពុំទាន់បានពិភាក្សាជាមួយក្លិបណាផ្សេងឡើយព្រោះគេចង់ផ្ទេរទៅទឹកដី Camp Nou ជាជម្រើសទី១តែម្ដង។

​ គួរបញ្ជាក់ផងដែរថា Robert Lewandowski ស៊ុតបញ្ចូលទីបាន៣៤៤គ្រាប់ក្នុងការបង្ហាញខ្លួន ៣៧៤ប្រកួតឲ្យ Bayern Munich ក្នុងរយៈពេល៧ឆ្នាំកន្លងមក៕

ប្រភព៖ sportskeeda